بۇگىن – قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى عاريفوللا قۇرمانعاليەۆتىڭ تۋعانىنا - 115 جىل.
عاريفوللا قۇرمانعاليەۆ - قازاقستاننىڭ مادەنيەتىنە ەڭبەك سىڭىرگەن قايراتكەر، ءانشى (تەنور), قازاق كسر حالىق ءارتىسى.
1934 جىلى الماتىدا وتكەن حالىق كوركەمونەرپازدارىنىڭ ءبىرىنشى بۇكىل قازاقستاندىق سلەتىنە قاتىستى. سول جىلى قازاقتىڭ مۋزىكالىق دراما تەاترىنىڭ (قازىر قازاقتىڭ وپەرا جانە بالەت تەاترى اتالادى) قۇرامىنا قابىلداندى.
1967 جىلدان باستاپ رەسپۋبليكالىق ونەر جانە تسيرك ستۋدياسىندا ساباق بەردى. قۇرمانعاليەۆ ە.برۋسيلوۆسكيدىڭ "ەر تارعىن", "ايمان-شولپان", "قىز جىبەك", مۇقان تولەباەۆتىڭ ء"بىرجان-سارا", ا.جۇبانوۆ پەن ل.ءحاميديدىڭ "اباي" وپەرالارىندا كۇردەلى پارتيالار مەن رولدەردى وينادى.
سونداي-اق، كەمەلىنە كەلتىرە ورىنداعان «اينامكوز»، «ۇلكەن ايداي»، «اق كەربەز»، «ىسمەت»، «بوز جورعا»، «ون التى كىز» ت. ب. حالىق اندەرى جۇرتشىلىق كوڭىلىنەن بەرىك ورىن الدى. ول ورىنداۋشىلىق ونەرىمەن كاتار، ءوزى دە كوپتەگەن اندەر («اق جايىق»، «سۇيگەن جار»، «نۇرجامال»، «جان ەركەم»، «اققۋ»، «سۇيەمىن تۋعان ولكەمدى») شىعاردى.
