الماتى وبلىسىندا جاڭادان بوي كوتەرگەن تۇرعىن ءۇي كەشەنىنىڭ شاتىرى وپىرىلىپ تۇسكەن، دەپ حابارلايدى “ادىرنا” ءتىلشىسى.
Instagram جەلىسىندە تالعارداعى كوپقاباتتى ءۇي شاتىرىنىڭ ءبىر بولىگى قۇلاعان ءساتى كورسەتىلگەن.
"جاڭا ىقشاماۋدانى، يپوتەكالىق اۋدانداعى شاتىردىڭ ءبىر بولىگىنىڭ قۇلاۋ ءساتى. ايتا كەتەيىك، ۇيلەر سالىستىرمالى تۇردە جاڭا جانە مەملەكەتتىك تاپسىرىس بويىنشا سالىنعان", - دەلىنگەن ۆيدەودا.
الماتى وبلىسىنىڭ اكىمدىگى ۆيدەوعا قاتىستى تۇسىنىكتەمە بەردى. اكىمدىكتىڭ حابارلاۋىنشا وقيعا 60 پاتەرلى جالدامالى تۇرعىن ۇيدە بولعانىن حابارلادى.
“قار جاۋىپ، توبەسىندە مۇز پايدا بولۋىنان عيماراتتىڭ ارىقتارى مەن كارنيزدەرى جارتىلاي وپىرىلىپ ءتۇستى. باقىتىمىزعا وراي، وقيعادان ەشكىم زارداپ شەككەن جوق. قۇرىلىس الاڭدارىنا جاقىن جەردە، اسىرەسە قىستا بارلىعىنا ساق جانە مۇقيات بولۋدى ۇسىنامىز. اۋا رايى جاعدايلارى بولجانبايتىن قاۋىپتەر تۋدىرۋى مۇمكىن. نىساننىڭ مەردىگەرى "گۋنن ستروي سەرۆيس" جشس قالپىنا كەلتىرۋ جۇمىستارىن باستاپ كەتتى”، - دەپ حابارلادى ۆەدومستۆودان.
