استانادا تولە بي كوشەسىندەگى 16-شى ۇيدەن ءورت شىقتى.بۇل تۋرالى تجم ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ۆەدومستۆو اتاپ وتكەندەي، تۇرعىن ءۇيدىڭ شاتىرى ورتەنگەن.
«ساعات 14:05-تە استانا قالاسى توتەنشە جاعدايلار دەپارتامەنتىنىڭ ءورت ءسوندىرۋ بولىمشەلەرى تولە بي كوشەسى 16 مەكەنجايىنداعى جاڭا عيماراتتان ءتۇتىن كورىنگەنى تۋرالى اقپارات ءتۇستى. كەلگەن كەزدە جاڭادان سالىنعان 17 قاباتتى تۇرعىن ءۇي كەشەنىنىڭ شاتىرىندا 10 شارشى مەتر اۋماقتا شاتىر ماتەريالى مەن وقشاۋلاعىش ماتەريال (مينەرالدى ماقتا) جانىپ جاتقانى انىقتالدى. ساعات 14.24-تە ءورت وقشاۋلانىپ، ساعات 14:29-دا ءورت تولىق ءسوندىرىلدى. ءورتتىڭ الدىن الا سەبەبى - وتپەن جۇمىس جاساۋ كەزىندە ءورت قاۋىپسىزدىگى ەرەجەلەرىنىڭ بۇزىلۋى»، - دەلىنگەن حابارلامادا.
