Almaty oblysynda jańadan boı kótergen turǵyn úı kesheniniń shatyry opyrylyp túsken, dep habarlaıdy “Adyrna” tilshisi.
Instagram jelisinde Talǵardaǵy kópqabatty úı shatyrynyń bir bóligi qulaǵan sáti kórsetilgen.
"Jańa yqshamaýdany, Ipotekalyq aýdandaǵy shatyrdyń bir bóliginiń qulaý sáti. Aıta keteıik, úıler salystyrmaly túrde jańa jáne memlekettik tapsyrys boıynsha salynǵan", - delingen vıdeoda.
Almaty oblysynyń ákimdigi vıdeoǵa qatysty túsinikteme berdi. Ákimdiktiń habarlaýynsha oqıǵa 60 páterli jaldamaly turǵyn úıde bolǵanyn habarlady.
“Qar jaýyp, tóbesinde muz paıda bolýynan ǵımarattyń aryqtary men karnızderi jartylaı opyrylyp tústi. Baqytymyzǵa oraı, oqıǵadan eshkim zardap shekken joq. Qurylys alańdaryna jaqyn jerde, ásirese qysta barlyǵyna saq jáne muqııat bolýdy usynamyz. Aýa raıy jaǵdaılary boljanbaıtyn qaýipter týdyrýy múmkin. Nysannyń merdigeri "Gýnn Stroı Servıs" JShS qalpyna keltirý jumystaryn bastap ketti”, - dep habarlady vedomstvodan.
