الماتى وبلىسىنىڭ سايماساي اۋىلىندا گاز قۇيۋ ستانتسياسىندا ءورت بولىپ، 2 ادام اۋرۋحاناعا ءتۇستى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، وقيعا كەشە، 19 تامىز كۇنى ساعات 17:50-دە ەڭبەكشىقازاق اۋدانى، سايماساي اۋىلى، رىسبەكوۆ كوشەسى، 1ا مەكەنجايىندا بولعان.
«وتەباەۆا» جەكە كاسىپكەرلىگىنە تيەسىلى سايماساي اۋىلىنىڭ گاز قۇيۋ ستانتسياسىندا گاز باللونى جانىپ، وت ساقتاۋ جانە ساتۋ ءۇشىن ارنالعان كونتەينەرلىك ۇلگىدەگى قويماعا كوشكەن.
گاز باللوندارىنىڭ جاپپاي جانۋى (شامامەن 40 دانا) جانە جوعارى تەمپەراتۋرانىڭ پايدا بولۋى سالدارىنان ءورت قويمانىڭ جانىندا تۇرعان «زيل» گاز قۇيۋ ماشيناسىنا اۋىستى. كولەمى 3 تەكشە مەتر كولىك گازعا تولى بولعان.
ودان بولەك، قويمادا ءارتۇرلى سىيىمدىلىقتاعى شامامەن 260-300 دانا گاز باللوندارى بولعان. بۇدان بولەك، قويمانىڭ جانىندا گازبەن تولتىرىلعان كولەمى 4 تەكشە مەتر جەراستى قويماسى ورنالاسقان.
وقيعا ورنىنا كەلگەن العاشقى بولىمشەلەر جەدەل ءىس-ارەكەت ەتىپ، گاز قۇياتىن ءاۆتوموبيلدىڭ، گازى بار جەراستى قويماسىنىڭ، سونداي-اق قويماداعى قالعان باللونداردىڭ جارىلۋ قاۋپىنىڭ الدىن الدى. ءورت ورنىنا «جوعارى شىعۋ» دارەجەسى بويىنشا شىعۋ كەستەسىنە سايكەس بولىمشەلەر جىبەرىلدى. جالىن ساعات 18:28-دە وقشاۋلانىپ، ساعات 18:45-تە تولىعىمەن جويىلدى. ءورت سالدارىنان گاز قۇيۋ ستانتسياسىنىڭ 2 قىزمەتكەرى ءارتۇرلى دارەجەدە كۇيىك الىپ، جەدەل مەديتسينالىق جاردەم قىزمەتكەرلەرىنە تاپسىرىلدى، - دەلىنگەن تجم حابارلاماسىنداجارىلىستىڭ تۋىنداۋ جانە جالىننىڭ 30 مەتر قاشىقتىقتا ورنالاسقان تۇرعىن ءۇي الابىنا اۋىسۋ قاۋپى بولدى.
ۇقساس جاڭالىقتار
