موڭعوليانىڭ تۋريستىك تابىسى العاش رەت 1 ميلليارد دوللاردى قۇرادى، دەپ حابارلايدى «ادىرنا» ۇلتتىق پورتالى Anadolu سايتىنا سىلتەمە جاساپ.
«2023 جىلدىڭ 11 ايىندا موڭعولياعا 600 مىڭنان استام شەتەلدىك تۋريست كەلدى. وسى كەزەڭدە اعىمداعى جىلدىڭ قاڭتار-قاراشا ايلارىندا موڭعولياعا كەلگەن تۋريستەردىڭ باسىم بولىگىن رەسەيلىك، قىتايلىق جانە وڭتۇستىك كورەيالىق تۋريستەردى قۇرادى»، - دەلىنگەن حابارلامادا.
ۆەدومستۆودا تۋريستىك ماۋسىمدى ۇزارتۋ جانە تۋريستەر سانىن ارتتىرۋ ماقساتىندا قاراشادان ساۋىرگە دەيىن قىسقى دەمالىستى دامىتۋ جوباسى ازىرلەنىپ جاتقانىن اتاپ ءوتتى.
بۇگىنگى تاڭدا موڭعوليا ەكونوميكاسى، نەگىزىنەن، تاۋ-كەن ونەركاسىبى مەن مينەرالدى رەسۋرستاردى ەكسپورتتاۋعا تاۋەلدى. تۋريزم سەكتورىن دامىتۋ ەكونوميكانى ءارتاراپتاندىرۋدىڭ ەڭ قولجەتىمدى شەشىمى رەتىندە قاراستىرىلادى.
موڭعوليا ۇكىمەتى ەكونوميكانى كەڭەيتۋ جانە پاندەميادان زارداپ شەككەن تۋريزم سەكتورىن كوتەرۋ ءۇشىن 2023, 2024 جانە 2025 جىلداردى «موڭعولياعا ساپار جىلدارى» دەپ جاريالادى.
«ادىرنا» ۇلتتىق پورتالى
