موڭعوليادا ۇلتتىق ماقتانىش كۇنى ءوتتى، دەپ حابارلايدى "ادىرنا" ۇلتتىق پورتالى.
ەلدە شىڭعىس حاننىڭ دۇنيەگە كەلگەنىنە 863 جىل تولۋىنا وراي ەلدىڭ جوعارى لاۋازىمدى تۇلعالارى ونىڭ ەسكەرتكىشىنە تاعزىم ەتتى. پرەزيدەنت ۋحنااگين حۇرەلسۇح، ۇلى مەملەكەتتىك حۋرال توراعاسى نيام-وسورىن ۋچرال جانە پرەمەر-مينيستر گومبوجاۆىن زاندانشاتار مەرەكەگە وراي شىڭعىس حان ەسكەرتكىشىنە گۇل شوقتارىن قويدى.
موڭعوليا پرەزيدەنتىنىڭ 2012 جىلعى 9 قاڭتارداعى №4 جارعىسىنا سايكەس، شىڭعىس حاننىڭ تۋعان كۇنى رەسمي تۇردە بەكىتىلگەن. بۇل شەشىم ارنايى جۇمىس توبىنىڭ قورىتىندىسى جانە موڭعوليا عىلىم اكادەمياسىنىڭ ۇسىنىسى نەگىزىندە قابىلدانعان.
2025 جىلى ۇلى قاعاننىڭ تۋعان كۇنى 21 قاراشاعا سايكەس كەلىپ وتىر. اي كۇنتىزبەسىنە بايلانىستى بۇل كۇن گريگوريان كۇنتىزبەسى بويىنشا جىل سايىن وزگەرىپ وتىرادى.
