ماڭعىستاۋ وبلىسىنىڭ جاس شاحماتشىسى اقنيەت قۇمىسباي شاحماتتان ۇزدىك ونەر كورسەتتى، دەپ حابارلايدى "ادىرنا" ۇلتتىق پورتالى.
Zakon.kz مالىمەتىنشە، موڭعوليا استاناسى ۇلان-باتىردا 25 قازان مەن 1 قاراشا ارالىعىندا وتكەن XIX حالىقارالىق ازيا چەمپيوناتى وتكەن.
قازاقستاندىق جاس شاحماتشى «9 جاسقا دەيىنگى قىزدار» ساناتىندا بليتس ءتۇرى بويىنشا جۇلدەلى ەكىنشى ورىندى يەلەندى. ول ويىنداعى جوعارى ستراتەگيالىق دايىندىق پەن سەنىمدىلىگىن كورسەتىپ، قارسىلاستارىنان وزىق ناتيجە كورسەتتى.
«اقنيەتتى، ونىڭ باپكەرى انۋار شايحىموۆتى جانە اتا-اناسىن ۇلكەن جەتىستىگىمەن شىن جۇرەكتەن قۇتتىقتايمىز! سونداي-اق، شاحماتتى دامىتۋعا ۇلەس قوسىپ، قولداۋ كورسەتكەن ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنا العىس ايتامىز»، – دەپ مالىمدەدى قازاقستان شاحمات فەدەراتسياسىنىڭ وڭىرلىك فيليالى.
