Mońǵolııanyń týrıstik tabysy alǵash ret 1 mıllıard dollardy qurady, dep habarlaıdy «Adyrna» ulttyq portaly Anadolu saıtyna silteme jasap.
«2023 jyldyń 11 aıynda Mońǵolııaǵa 600 myńnan astam sheteldik týrıst keldi. Osy kezeńde aǵymdaǵy jyldyń qańtar-qarasha aılarynda Mońǵolııaǵa kelgen týrısterdiń basym bóligin reseılik, qytaılyq jáne ońtústik koreıalyq týrısterdi qurady», - delingen habarlamada.
Vedomstvoda týrıstik maýsymdy uzartý jáne týrıster sanyn arttyrý maqsatynda qarashadan sáýirge deıin qysqy demalysty damytý jobasy ázirlenip jatqanyn atap ótti.
Búgingi tańda Mońǵolııa ekonomıkasy, negizinen, taý-ken ónerkásibi men mıneraldy resýrstardy eksporttaýǵa táýeldi. Týrızm sektoryn damytý ekonomıkany ártaraptandyrýdyń eń qoljetimdi sheshimi retinde qarastyrylady.
Mońǵolııa úkimeti ekonomıkany keńeıtý jáne pandemııadan zardap shekken týrızm sektoryn kóterý úshin 2023, 2024 jáne 2025 jyldardy «Mońǵolııaǵa sapar jyldary» dep jarııalady.
«Adyrna» ulttyq portaly
