Qazaqstan armııasynyń sarbazdarynyń jalpy alǵanda 2 mıllıard teńgege jýyq nesıesi bar, dep habarlaıdy "Adyrna" portaly.
«5 myńnan astam sarbazǵa 1 mlrd 875 mln teńge nesıelik qarjysyna tóleý merzimi uzartyldy. Qazirgi ýaqytta bankter men shaǵyn nesıe uıymdary 5 myńǵa jýyq áskerı qyzmetshiniń 1,6 mlrd teńgege ótinimin qaraýda», - dep habarlaıdy QR Qorǵanys mınıstrliginiń baspasóz qyzmeti.
Keıinge qaldyrý búkil qyzmet nemese áskerı daıyndyq kezeńine beriledi. Bul rette aqparat almasý múddeli organdardyń aqparattyq júıeleriniń ózara is-qımyly arqyly júzege asyrylýy tıis.
Aıtýlarynsha, QR Qorǵanys mınıstrligi men Qarjy naryǵyn retteý jáne damytý agenttigi memorandým jasasqan. Qorǵanys mınıstrligi «Áskerı qyzmet jáne áskerı qyzmetshilerdiń mártebesi týraly» Qazaqstan Respýblıkasynyń Zańyna jańa 50-1-bapty engizý týraly bastama kóterdi. Zań jobasy Májiliste qaralýda.
Sondaı-aq áskerı oqýǵa shaqyrylǵan tulǵalarǵa negizgi qaryzdy jáne syıaqyny tóleýdi keıinge qaldyrý usynyldy.
