20 جەلتوقساندا West Oil Software (WOS) كومپانياسىنىڭ جۇمىسشىلارى "قازمۇنايگاز" وكىلدەرىمەن كەلىسسوز جۇرگىزۋدەن باس تارتتى، دەپ مالىمدەدى ماڭعىستاۋ وبلىسى قاراقيا اۋدانىنىڭ اكىمى سىمبات تورەتاەۆ.
تورەتاەۆ كەشە West Oil software-ءدىڭ نارازى قىزمەتكەرلەرىمەن كەزدەسكەن. اكىم نارازى قاۋىمدى سابىرعا شاقىرىپ، ماسەلەنى ۇستەل باسىندا شەشۋدى ۇسىنعان. جۇمىسشىلار اكىم ۇسىنىسىن قابىل العان.
20 جەلتوقسان كۇنى تاڭەرتەڭ «قازمۇنايگاز» اق توراعاسىنىڭ ورىنباسارى داۋلەتجان حاسانوۆ، «ماڭعىستاۋ مۇناي گاز» باسشىسى مۇرات مۇستافاەۆ، West Oil software باسشىلىعى مەن قاراقيا اۋدانىنىڭ اكىمى ەرەۋىل وتەتىن جەرگە كەلىپ، ۋاعدا بويىنشا كەلىسسوز پروتسەسىن باستاۋعا شاقىردى.
الايدا، West Oil Software بۇعان دەيىنگى ۋادەدەن اينىپ، كەلىسسوزدى باستاۋدان باس تارتقان.
- ارنايى كوميسسيا كەلىسسوز جۇرگىزۋگە دايىن. بۇل جاعدايدى رەتتەۋدىڭ اقىلعى قونىمدى جولى، ونى پايدالانۋ قاجەت، - دەدى داۋلەتجان حاسانوۆ جينالعاندارعا.
الايدا، WOS قىزمەتكەرلەرى «قازمۇنايگاز» شتاتىنا جۇمىسقا ورنالاسۋدى تالاپ ەتىپ، كەلىسسوزدەن باس تارتتى.
WOS-تىڭ بىرقاتار ماماندارىنىڭ جالاقىنى «قازمۇنايگازداعى» ەڭبەكاقىمەن تەڭەستىرۋ، قمگ ەنشىلەس كاسىپورنىنىڭ شتاتىنا كىرۋ سياقتى قوسىمشا تالاپتارى ورىنسىز ەكەنىن ەسكەرۋ قاجەت. نەگە؟
WOS-تىڭ كەي قىزمەتكەرلەرى بۇرىن "قازمۇنايگازدىڭ" ەنشىلەس ۇيىمدارىنىڭ قىزمەتكەرى بولعان جانە 2018 جىلى 5/50 باعدارلاماسىن پايدالانىپ، ءوز ەركىمەن جۇمىستان شىققان ءارى اتالعان باعدارلاما اياسىندا 5 جىلدىق جالاقىسىنىڭ 50% العان. ورتاشا العاندا، ءبىر ادامعا تولەنەتىن تولەم سوماسى شامامەن 11 ملن تەڭگەنى قۇرادى. وسى سەبەپتى قازمۇنايگازدىڭ ەتۇ شتاتىنا كوشۋى تۋرالى تالاپتار دا مۇمكىن ەمەس.
ەرەۋىلگە بايلانىستى "West Oil Software" جشس كۇنىنە شامامەن 23 ملن تەڭگە شىعىنعا باتۋدا.
بۇعان دەيىن، "West Oil Software" جشس قىزمەتكەرلەرى توقاەۆتان، ءوڭىر باسشىسى نۇرلان نوعاەۆتان جۇمىسشىلاردىڭ قۋعىنىن توقتاتۋدى سۇراپ، ۆيدەوۇندەۋ جولداعان بولاتىن.
