ماڭعىستاۋدا ەرەۋىلگە شىققان West Oil Software جۇمىسشىلارىن وزگە كومپانيا قىزمەتكەرلەرى دە قولداپ، ۆيدەوۇندەۋ جاسادى، دەپ حابارلايدى “ادىرنا” ۇلتتىق پورتالى.
West Oil Software جۇمىسشىلارىن قولداپ، "بوزاششىترانسقۇرىلىس" كاسىپورنىنىڭ قىزمەتكەرلەرى دە ۆيدەوۇندەۋ جاسادى.
وندا ولار توقاەۆتان، ءوڭىر باسشىسى نۇرلان نوعاەۆتان جۇمىسشىلاردىڭ قۋعىنىن توقتاتۋدى سۇراعان.
ايتا كەتەيىك، كومپانيا ماڭعىستاۋمۇنايگازعا كولىكتىك قىزمەتتەردى ۇسىنۋمەن اينالىسادى. شتاتتا 540 اسا ادام جۇمىس ىستەيدى. 2018 جىلى West Oil Software-گە وتكەن ويل ترانسپورت كورپورەيشن (وتك – قازمۇنايگاز ۇك ەنشىلەس كومپانياسى) ەكس-قىزمەتكەرلەرىنىڭ نەگىزىندە قۇرىلعان. اۋىسۋ كەزىندە قىزمەتكەرلەرگە 5 جىلدىق جالاقىنىڭ 50%-ى ۇسىنىلدى (ورتا ەسەپپەن ءاربىر ەكس-قىزمەتكەر 10 ملن تەڭگەدەن العان بولاتىن).
Kompra.kz سايتىنىڭ اقپاراتىنشا قازىرگى ورتاشا ايلىق جالاقىلارى 740 مىڭ تەڭگەنى قۇرايدى (ەتق 2022 جىلى - 5 ملرد تەڭگە، 2023 جىلدىڭ 11 ايىندا - 6,2 ملرد تەڭگە).
5 جىل وتكەننەن كەيىن ەكس-قىزمەتكەرلەر ولاردى قايتادان ەڭبەكاقى تولەۋدىڭ بىرىڭعاي جۇيەسى قاراستىرىلعان (جوعارى جالاقىلار جانە ءتۇرلى پرەميالار) قازمۇنايگاز كومپانيالار توبىنا قوسۋدى تالاپ ەتىپ وتىر. قىزمەتكەرلەر وتك قىزمەتكەرلەرى سياقتى ۇقساس جۇمىستاردى ورىنداپ جاتقانىنا نارازى.
ەسكە سالايىق، 11 جەلتوقساندا ماڭعىستاۋدا West Oil Software جۇمىسشىلارى ەرەۋىلگە شىققان ەدى. 500-گە تارتا ادام ءوندىرىس بازاسىندا ەرەۋىلدەتىپ، ءتورت كۇننەن بەرى كولىكتە قونىپ ءجۇر.
ولار جۇمىستى توقتاتقانىن حابارلاپ، وزدەرىن "قازمۇنايگازعا» قوسۋدى سۇرادى. ءارى بىرىڭعاي ەڭبەكاقى تولەم تالاپ ەتتى. ال اۋداندىق سوت ولاردىڭ جۇمىس ۋاقىتىندا ەرەۋىلگە شىعۋى زاڭسىز دەپ وتىر.
