الەۋمەتتىك جەلىلەردە ماڭعىستاۋ وبلىسىنداعى بىرقاتار كاسىپورىنداردىڭ قىزمەتكەرلەرىن الداۋ جانە زورلىق-زومبىلىق قاۋپىمەن ەرەۋىلدەرگە قاتىسۋدى جالعاستىرۋعا ماجبۇرلەۋ تۋرالى اقپارات تاراتىلۋدا، دەپ حابارلايدى "ادىرنا" ۇلتتىق پورتالى ماڭعىستاۋ وبلىسىنىڭ پوليتسيا دەپارتامەنتىنە سىلتەمە جاساي وتىرىپ.
پوليتسيانىڭ ايتۋىنشا، مۇنداي جاعداي “West Oil Software” جشس ۇجىمىندا ورىن الۋدا، ال سوت قىزمەتكەرلەردىڭ ەرەۋىلى زاڭسىز دەپ تانىدى.
جالپى سانى 100-دەن استام ادامعا جەتكەن “West Oil Software” جشس-ءنىڭ جەكەلەگەن جۇمىسشىلارى زاڭسىز ەرەۋىلگە قاتىسۋدان باس تارتىپ، وزدەرىنىڭ ەڭبەك مىندەتتەرىنە كىرىستى. الايدا، ولار ەرەۋىل بەلسەندىلەرىنىڭ تاراپىنان قىسىم كورۋدە.
مۇنداي ارەكەتتەرگە جول بەرىلمەيدى. اتالعان دەرەك بويىنشا ەگجەي-تەگجەيلى تەكسەرۋ جۇرگىزىلەدى.
بۇگىنگى تاڭدا وبلىستىق پوليتسيا دەپارتامەنتى زاڭسىز ەرەۋىلگە قاتىسۋدى جالعاستىرۋعا شاقىرۋ فاكتىلەرى بويىنشا قك-ءنىڭ 402-بابى 2-بولىگى بويىنشا سوتقا دەيىنگى تەرگەۋ امالدارىن جۇرگىزۋدە.
ولارعا قاتىسى بار ادامداردىڭ كورسەتىلگەن قۇقىققا قايشى ارەكەتتەرىنە قۇقىقتىق باعا وسى قىلمىستىق ءىستى سوتقا دەيىنگى تەرگەپ-تەكسەرۋ شەڭبەرىندە بەرىلەتىن بولادى.
پوليتسيا قىزمەتكەرلەرى ازاماتتاردى زورلىق-زومبىلىق، قىسىم جانە الداۋ قاۋپى فاكتىلەرى بويىنشا ىشكى ىستەر ورگاندارىنا جۇگىنۋگە جانە ارانداتۋشىلىققا بەرىلمەۋگە شاقىرادى.
"ادىرنا" ۇلتتىق پورتالى
