اقش تۇرمە مەن ازاپتاۋدى تەرىس پايدالانىپ، ءدىني بوستاندىق پەن ادامدىق قادىر-قاسيەتكە قول سۇعىپ، «وركەنيەتتەر قاقتىعىسىن» تۋعىزۋدا. بۇل تۋرالى سينحۋا اقپارات اگەنتتىگى سەيسەنبى كۇنى جاريالاعان اقش-تىڭ ادام قۇقىقتارىن بۇزۋى تۋرالى بايانداماسىندا ايتىلعانىن جاريالادى، دەپ حابارلايدى “ادىرنا” ۇلتتىق پورتالى.
«اقش تاياۋ شىعىستا جانە ودان تىس جەرلەردە ادام قۇقىقتارىنا قاتىستى اۋىر قىلمىستار جاسايدى» دەپ اتالاتىن بۇل باياندامانى قىتايدىڭ ادام قۇقىقتارىن زەرتتەۋ قوعامى جاريالادى.
باياندامادا امەريكا قۇراما شتاتتارىنىڭ وركەنيەتتەردىڭ ارتۇرلىلىگىن قۇرمەتتەمەيتىنى، ارقاشان يسلام وركەنيەتىنە دۇشپاندىق تانىتقانى، تاياۋ شىعىستىڭ تاريحي جانە مادەني مۇرالارىن جويىپ، مۇسىلمانداردى تۇرمەگە قاماپ، اياۋسىز ازاپتاپ، حالىقتاردىڭ نەگىزگى قۇقىقتارىن ورەسكەل بۇزعانى اتاپ ءوتىلدى.
«امەريكا قۇراما شتاتتارى «يسلامدىق قاۋىپ تەورياسىن» بۇكىل الەمگە تاراتۋدا. ولار باتىستىق جانە حريستياندىق وركەنيەتتەردىڭ ارتىقشىلىعىن ۋاعىزدايدى، باتىستىق ەمەس وركەنيەتتەردى مەنسىنبەيدى جانە يسلام وركەنيەتىن «ارتتا قالۋ»، «تەررور» جانە «زورلىق-زومبىلىق» دەپ تاڭبالايدى»، - دەلىنگەن حابارلامادا.
”ادىرنا” ۇلتتىق پورتالى
