اقتوبە وبلىسىندا اۋىر جول اپاتىنان ەكى وقۋشى مەن مۇعالىم قازا تاپقانى ايتىلدى، - دەپ حابارلايدى "ادىرنا" ۇلتتىق پورتالى.
قايعىلى وقيعا ىرعىز وڭىرىندە 19 جەلتوقساندا مەكتەپ وقۋشىلارى مەن ولاردىڭ مۇعالىمى وليمپياداعا بارا جاتقان جولدا بولدى. اقتوبە وبلىستىق ءبىلىم باسقارماسى باسشىسىنىڭ ايتۋىنشا، ىرعىزدا اۋدان ورتالىعىندا مەكتەپ پاندەرى بويىنشا وليمپيادا ءوتۋى ءتيىس ەدى. وعان جانىس بي اۋىلىنان 10 جوعارى سىنىپ وقۋشىسى بارماق بولعان. بىراق بەلگىلەنگەن ۋاقىتتا پوليتسيانىڭ جول سىلتەۋىمەن وليمپياداعا بەس وقۋشى عانا اتتاندى.
"قالعان بەسەۋى كەيىن جەكە كولىكپەن پوليتسيانىڭ جول كورسەتۋىنسىز كەتىپ قالدى. ءبىز ەگجەي-تەگجەيلەرىن انىقتاپ جاتىرمىز. بىراق، الدىن الا مالىمەت بويىنشا، بۇل وقۋشىلاردىڭ اتا-انالارى اۋا رايىنىڭ قولايسىزدىعىنا بايلانىستى بالالارىن وليمپياداعا جىبەرمەي قويعان. بىراق ولار سوندا دا، جولعا شىعىپ كەتكەن»، - دەدى ول اقتوبە وبلىستىق ءبىلىم باسقارماسىنىڭ باسشىسى سۇلتان جايىق.
بەلگىلى بولعانداي، جانىس بي كەنتىندەگى مەكتەپتىڭ بەس بالاسى مەن مۇعالىمى جەكە Toyota Alphard كولىگىمەن كەتىپ قالعان. كولىك جۇرگىزۋشىسى اقتوبە وبلىسى اكىمىنىڭ ءباسپاسوز قىزمەتىنەن تۇسكەن مالىمەتكە قاراعاندا، مارقۇم مەكتەپ وقۋشىسىنىڭ 25 جاستاعى اعاسى بولعان. پوليتسيانىڭ ايتۋىنشا، ەر ادام كولىكتى قارسى كەلە جاتقان كولىككە قاراي ايداپ كەتكەن.
ء"ۇش كۇننىڭ ىشىندە پوليتسيا بولىمىنە مەكتەپتەن ارىز ءتۇستى. ءبىلىم بەرۋ مەكەمەسىنىڭ باسشىلىعى بالالاردىڭ ىرعىزداعى وليمپياداعا بارا جاتقانىن جانە ولارعا جولسەرىك كەرەك ەكەنىن حابارلادى. ولاردى ەكى كولىكپەن تاسىمالداۋ كەرەك ەدى. بىراق بۇل تۋرالى وتىنىشتە Toyota Alphard كولىگى كورسەتىلمەگەن. قالعان بالالار امان-ەسەن ىرعىزعا جەتكىزىلدى. ال Toyota Alphard كولىگىندە بولعاندار جول اپاتىنا ۇشىرادى.ساعات 08:30 شاماسىندا سامارا - شىمكەنت تاس جولى، قۇرىلىس اۋىلىنىڭ ماڭىندا جول اپاتى ورىن الىپ، Toyota Alphard قارسى جولاققا شىعىپ كەتىپ، Volvo جۇك كولىگىمەن سوقتىعىستى»، - دەپ ءتۇسىندىردى اقتوبە وبلىستىق ءىىد باستىعىنىڭ ءبىرىنشى ورىنباسارى اردانا سايماعامبەتوۆ.
ول «كولىك قۇرالدارىن باسقاراتىن ادامداردىڭ جول قوزعالىسى نەمەسە كولىك قۇرالدارىن پايدالانۋ ەرەجەلەرىن بۇزۋى»، سونداي-اق «بالالاردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ جونىندەگى مىندەتتەردى تيىسىنشە ورىنداماۋ» باپتارى بويىنشا تەرگەۋ باستالعانىن اتاپ ءوتتى.
اپات سالدارىنان Toyota Alphard كولىگىندەگى ءۇش جولاۋشى: 25 جاستاعى جانىس بي كەنتىندەگى مەكتەپ ديرەكتورىنىڭ ورىنباسارى مەن ەكى ورتا مەكتەپ وقۋشىسى قازا تاپتى. ءۇش وقۋشى اۋداندىق اۋرۋحاناعا جاتقىزىلدى، ولاردىڭ دەنساۋلىعى مەن ومىرىنە قاۋىپ ءتونىپ تۇرعان جوق، دەپ حابارلادى دەنساۋلىق ساقتاۋ باسقارماسىنان. كولىك جۇرگىزۋشىسىنە پسيحولوگيالىق كومەك كورسەتىلۋدە»، - دەلىندى ۆەدومستۆودان.
