اقتوبە وبلىسىندا جولاۋشىلار اۆتوبۋسى اۋدارىلىپ، 5 ادام قازا تاپتى. بۇل تۋرالى وبلىستىق پد جازدى، دەپ حابارلايدى «ادىرنا» ءتىلشىسى.
جول-كولىك وقيعاسى كەشە، 7 جەلتوقساندا ساعات 08:40 شاماسىندا سامارا-شىمكەنت تاسجولىندا بولعان. جۇرگىزۋشى قارابۇتاق اۋىلىنان قىزىلوردا وبلىسىنا قاراي باعىت العان كەزدە ايتەكەبي اۋدانىنا قاراستى ۇلعايسىن اۋىلىنىڭ ماڭىندا اۋدارىلعان.
اۆتوبۋستا وزبەكستاننىڭ 49 ازاماتى بولعان. وقيعا سالدارىنان 5 جولاۋشى كوز جۇمىپ، 11 ادام ءتۇرلى جاراقاتپەن اۋرۋحاناعا تۇسكەن.
بۇل دەرەك بويىنشا سوتقا دەيىنگى تەرگەۋ باستالعان، جول-كولىك وقيعاسىنىڭ ءمان-جايى انىقتالىپ جاتىر.
ۇقساس جاڭالىقتار
