Aqmola oblysynda bolǵan aýyr oqıǵanyń saldarynan birneshe adam qaza tapty. 15 jeltoqsandaǵy aqparat boıynsha jol apaty Qostanaı – Áýlıekól – Surǵan tas jolynyń boıyndaǵy Kovylnoe aýylynyń mańynda bolǵan, dep habarlaıdy «Adyrna» ulttyq portaly.
VAZ 21145 kóliginiń 18 jastaǵy júrgizýshisi aldynda kele jatqan Audi kóligimen soqtyǵysqan. Sheteldik kólik qarsy jolaqqa shyǵyp ketip, qarsy jolaqta kele jatqan Volvo júk kóligine soǵylǵan. Saldarynan eki kólik te tolyǵymen janyp ketken.
«Aýdı-100 júrgizýshisi alǵan jaraqattarynan oqıǵa ornynda kóz jumdy, al kóliktiń jolaýshylary (40 jasar er adam, áıel, úsh aılyq sábı jáne besinshi synyptaǵy qyz) jalynǵa oranyp, mert boldy», - delingen habarlamada.
Qaza bolǵan jolaýshylardyń jeke basy men oqıǵanyń mán-jaıy anyqtalýda. Atalǵan fakti boıynsha Qylmystyq kodekstiń 345-babynyń 4-bóligi (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha sotqa deıingi tergeý bastaldy.
«Adyrna» ulttyq portaly
