جامبىل وبلىسىنا گۇلشارا ابدىقالىقوۆا جۇمىس ساپارىمەن كەلدى

2156
Adyrna.kz Telegram

بۇگىن جامبىل وبلىسىنا قازاقستان رەسپۋبليكاسى پرەمەر-ءمينيسترىنىڭ ورىنباسارى گۇلشارا ابدىقالىقوۆا جۇمىس ساپارىمەن كەلدى. بۇل تۋرالى “ZhambylNews” AA وبلىس اكىمىنىڭ ءباسپاسوز قىزمەتىنە سىلتەمە جاساپ حابارلايدى.

ۆيتسە-پرەمەر الدىمەن ايماقتاعى الەۋمەتتىك از قامتىلعان وتباسىلاردىڭ شاڭىراعىنا ات باسىن بۇردى. اتاپ ايتار بولساق،  تارازدىق كوپ بالالى انا ۇلدانا قوزيەۆا جولداسى ەكەۋى 6 بالا تاربيەلەپ وتىر. ۇلكەن ۇلدارى 2003 جىلى تۋعان، جامبىل پوليتەحنيكالىق كوللەدجىنىڭ 1-كۋرس ستۋدەنتى. ال ءۇش بالاسى مەكتەپ وقۋشىلارى دەسەك، ەكەۋى بالاباقشا تاربيەلەنۋشىلەرى. «التىن القا» يەگەرى ۇلدانا بەرىكقىزى بالا تاربيەسىمەن ۇيدە بولسا، جولداسى كۇزەتشى قىزمەتىندە. جالاقىسى – 43 مىڭ تەڭگە.

بۇل وتباسىنىڭ بالالارى مەكتەپتە ىستىق تاماق جانە قىستىق كيىمدەرمەن قامتىلعان. بۇعان دەيىن وتباسىنىڭ ايلىق جيىنتىق تابىسى 75919 تەڭگەنى قۇراسا، ءبىرىنشى ساۋىردەن باستاپ ول 231481 تەڭگەنى قۇراماق. وعان مەملەكەتتىك اتاۋلى الەۋمەتتىك كومەك جۇيەسىندەگى وڭ وزگەرىستەر سەبەپ بولىپ وتىر.

سونداي-اق، گۇلشارا ناۋشاقىزى تارازدىق كوپبالالى انا اينۇر ناۋاتوۆانىڭ جانە كومەككە مۇقتاج زۋحرا كاريموۆانىڭ شاڭىراقتارىندا بولىپ، جاعدايلارىمەن تانىستى. گ. ابدىقالىقوۆا مۇقتاج جاندارعا قانداي كومەك قاجەت ەكەنىن ءبىلىپ، تىلەك-نيەتتەرى نازارعا الىناتىنىن جەتكىزدى.

ايتا كەتەيىك، جامبىل وبلىسىندا 1 ساۋىردەن باستاپ اتاۋلى الەۋمەتتىك كومەكتى 29650 وتباسى الۋدا. جان باسىنا شاققانداعى تابىسى كەدەيلىك شەگىنەن تومەن 29650 وتباسىنىڭ الەۋمەتتىك كارتاسى ءتۇزىلىپ، وندا بارلىعى 150400 ادام قامتىلعان.

قر پرەمەر-ءمينيسترى ورىنباسارىنىڭ ايماقتاعى ساپارى حالىققا قىزمەت كورسەتۋ ورتالىعىندا جالعاستى. ورتالىق جۇمىسىمەن جان-جاقتى تانىسقان گۇلشارا ناۋشاقىزى الەۋمەتتىك ءالسىز توپ وكىلدەرىن جۇمىسپەن قامتۋ دەڭگەيىن نازاردا ۇستاۋدى تاپسىردى.

ايتا كەتەرلىگى، ءبىر قاباتتان تۇراتىن حالىققا قىزمەت كورسەتۋ ورتالىعى 2006 جىلعى 11 قاراشادا پايدالانۋعا بەرىلگەن. جالپى اۋماعى 805,9 شارشى مەتردى قۇرايدى. بارلىق قاجەتتى تەحنيكالىق قۇرال-جابدىقتارمەن قامتاماسىز ەتىلگەن ورتالىق 2018 جىلى 91 100 تۇرقىنعا قىزمەت كورسەتكەن. ال اعىمداعى جىلدىڭ ءى توقسانىندا 20 700 ادام ورتالىق ارقىلى مەملەكەتتىك كورسەتىلەتىن قىزمەتكە جۇگىنگەن. ورتالىقتا 89 قىزمەتكەر جۇمىس جاساسا، بارلىعى 621 قىزمەت ءتۇرى كورسەتىلەدى.

كەلەسى كەزەكتە ۆيتسە-پرەمەر تاراز قالالىق حالىقتى جۇمىسپەن قامتۋ ورتالىعىنا ات باسىن بۇردى. ورتالىق عيماراتىنىڭ جالپى اۋماعى 1246,7 شارشى مەتردى قۇرايدى. مۇندا وتكەن جىلى 12375 ادامعا قىزمەت كورسەتىلگەن. نىسان بارلىق قاجەتتى تەحنيكامەن جابدىقتالعان. مەكەمەدە 52 ادام قىزمەت ەتەدى.

قازاقستان رەسپۋبليكاسى پرەمەر-ءمينيسترىنىڭ ورىنباسارى گۇلشارا ابدىقالىقوۆانىڭ ايماقتاعى جۇمىس ساپارى ەرتەڭ دە جالعاسىن تاباتىن بولادى.

پىكىرلەر