اتىراۋلىق تۇرعىنعا جەلىدەگى سۋرەت ءۇشىن 129 مىڭ تەڭگە ايىپپۇل سالىندى، دەپ حابارلايدى "ادىرنا" ۇلتتىق پورتالى اتىراۋ وبلىستىق سوتىنا سىلتەمە جاساپ.
وبلىستىق اكىمشىلىك قۇقىق بۇزۋشىلىق ىستەرى جونىندەگى سوتى ء"دىني قىزمەت جانە ءدىني بىرلەستىكتەر تۋرالى زاڭنامانى بۇزۋ" بويىنشا ايەل ادامنىڭ ءىسىن قارادى.
اتىراۋ تۇرعىنى "ۆكونتاكتە" الەۋمەتتىك جەلىسىندەگى جەكە پاراقشاسىندا ءدىني مازمۇنداعى سۋرەتتى كوپشىلىككە جاريالاپ جىبەرگەن. كەيىننەن ونىڭ اتالعان باپتى بۇزعانى انىقتالىپ، ايىپپۇل سالىنعان.
"ا-نىڭ كىناسى سوت وتىرىسىندا زەرتتەلگەن ءىس ماتەريالدارى، اكىمشىلىك قۇقىق بۇزۋشىلىق تۋرالى حاتتاما، ساراپشىنىڭ قورىتىندىسى، اڭگىمەلەسۋ حاتتاماسىمەن راستالدى", - دەلىنگەن سوت حابارلاماسىندا.
ايەلگە 129 مىڭ 220 تەڭگە ايىپپۇل سالىندى.
