Atyraýda munaı qaldyǵy bar temirjol ısternasy jaryldy. Bul týraly oblystyq tótenshe jaǵdaılar departamenti aıtty, dep habarlaıdy «Adyrna» tilshisi.
Oqys oqıǵa 14 jeltoqsanda jergilikti ýaqytpen saǵat 13:58 shamasynda bolǵan.
«Atyraý qalasyndaǵy ońtústik óndiristik aımaqta ornalasqan «Batys Petroleum» JShS-ne tıesili №1 ehtyń jýý-býlaý stanııasynda jyljymaly temir jol quramyna tazalaý júrgizildi. Sol kezde munaı shlamynyń qaldyǵy bar ısternada gaz-aýa qospasynyń dúmpýi boldy. Saldarynan eh qurylymy ishinara qulady. Jalynnyń tutanýyna baılanysty avtomatty órt sóndirý qurylǵysy iske qosyldy. «Semser-Órt sóndirýshi» JShS órt sóndirý bólimsheleri órt sóndirý jumystaryn júrgizdi»,—delingen habarlamada.
Oqıǵa ornyna Atyraý oblysy Tótenshe jaǵdaılar departamentinen 48 qyzmetker men 5 birlik tehnıka, «Apattar medıınasy ortalyǵyn» 3 qyzmetker 1 birlik tehnıka, «Semser-Órt sóndirýshi» JShS 5 adam 1 birlik tehnıka jumyldyryldy. Zardap shekkender joq.
