«قازاقستاندىقتاردىڭ ءال-اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» ۇلتتىق جوباسى اياسىندا مەگاپوليستە الەۋمەتتىك وسال توپ وكىلدەرىنە كوممۋنالدىق تولەمدەرگە كومەك مولشەرى ارتتى. از قامتىلعاندار ءۇشىن قولدانىستاعى الەۋمەتتىك كومەكتىڭ مولشەرى 0,6 اەك-كە دەيىن ۇلعايتىلدى، - دەپ جازدى «ادىرنا» ءتىلشىسى almaty-akshamy.kz سايتىنا سىلتەمە جاساپ.
كومەك حالىقتىڭ الەۋمەتتىك وسال ساناتتارىنا جاتاتىن ازاماتتاردىڭ جەكەلەگەن 8 ساناتىنا كورسەتىلەتىن بولادى. بۇل تۋرالى وكق بريفينگىندە الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ ايتىپ بەردى.
مۇنداي شەشىمدى «ءتاريفتى ينۆەستيتسياعا ايىرباستاۋ» باعدارلاماسى اياسىندا 2023 جىلعى 1 قاراشادان باستاپ ەلەكتر ەنەرگياسىنا تاريفتەردىڭ كوتەرىلۋىنە بايلانىستى قالالىق ءماسليحات دەپۋتاتتارىنىڭ سەسسياسىندا قابىلدادى. زاڭدى تۇلعالار ءۇشىن ەلەكتر ەنەرگياسىنا ءتاريفتىڭ ءوسۋى 1 كۆتساع ءۇشىن 1,2% ، جەكە تۇلعالار ءۇشىن 7% قۇرادى.
«الماتى قالاسى بويىنشا تابيعي مونوپوليالاردى رەتتەۋ كوميتەتى دەپارتامەنتىنىڭ دەرەكتەرى بويىنشا، جەكە تۇلعالار ءۇشىن تۇرعىن ۇيگە ەلەكتر ەنەرگياسىن ورتاشا تۇتىنۋ 209 كۆتساع قۇرايدى، بۇل تۇرعىن ۇيدە قۇننىڭ 315,59 تەڭگەگە ۇلعايۋىن كوزدەيدى. وسىعان بايلانىستى ءحاوت قوسىمشا الەۋمەتتىك قولداۋ شارالارىن كورسەتۋ جانە قارجىلىق جۇكتەمەنى ازايتۋ ءۇشىن قولدانىستاعى الەۋمەتتىك كومەكتىڭ مولشەرى 0,6 اەك-كە 2070 تەڭگەگە دەيىن ۇلعايتىلدى. الەۋمەتتىك كومەك كولەمىن ۇلعايتۋ 345 تەڭگەنى قۇرايدى»، - دەدى ب. جاۋباسوۆ.
اتاپ وتىلگەندەي، جوبا ءحاوت قۇجاتتارىن ۋچاسكەلىك كوميسسياعا جىبەرىلمەيدى، وسى تۇرعىدا الەۋمەتتىك كومەك جان باسىنا شاققانداعى ورتاشا تابىستى ەسەپكە الماي كورسەتىلەدى. 2023 جىلعى 31 جەلتوقسانعا دەيىن جۇگىنگەن الەۋمەتتىك كومەك الۋشىلار ءۇشىن قايتا ءوتىنىش بەرمەي، تولەم مەرزىمىن 2024 جىلعى 30 ماۋسىمعا دەيىن ۇزارتۋ كوزدەلگەن. الەۋمەتتىك كومەك تولەۋدى قالا اكىمىنىڭ اۋداندىق اپپاراتتارى جۇرگىزەدى.
«جوبانى قارجىلاندىرۋ الماتى قالاسى بيۋدجەتىنىڭ قاراجاتى شەڭبەرىندە جۇزەگە اسىرىلادى. 2024 جىلعا قارجىلاندىرۋ 4 ملرد تەڭگەدەن استام سوممانى قۇرايدى»، - دەپ تولىقتىردى باسقارمانىڭ باسشىسى.
الماتىدا ءحاوت قاتارىنان 315 مىڭنان استام ازامات تۇرادى، ونىڭ ىشىندە بيىل 559 ملن تەڭگەگە ءجۇز مىڭداي ادامعا الەۋمەتتىك كومەك كورسەتىلەدى.
«قازاقستاندىقتاردىڭ ءال-اۋقاتىن ارتتىرۋعا باعىتتالعان ورنىقتى ەكونوميكالىق ءوسۋ» ۇلتتىق جوباسى اياسىندا مەگاپوليستە كومەك كورسەتىلۋدە
13.12.2023
1069
پىكىرلەر
باسقا ماتەريالدار
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз