تارازدا «تەكتى ءسوزدىڭ تورەسى – تەرمە» وبلىستىق بايقاۋى ءوتتى

528

تاراز قالاسىندا «تەكتى ءسوزدىڭ تورەسى – تەرمە» وبلىستىق بايقاۋى ءوتتى، – دەپ حابارلايدى “ZhambylNews” اقپاراتتىق اگەنتتىگى.

ءتىل مادەنيەتىن دامىتىپ، ءداستۇرلى تەرمە جانرىن حالىققا كەڭىنەن ناسيحاتتاۋدى ۇران ەتكەن بايقاۋعا ءسوز ونەرىن جەتىك مەڭگەرگەن تەرمەشىلەر قاتىسىپ، سىنعا ءتۇستى.

وبلىستىق بايقاۋعا اۋداندار مەن تاراز قالاسىنان 11 ۇمىتكەر قاتىسىپ، ونەرلەرىن ورتاعا سالدى. ۇمىتتەرىن ۇكىلەپ كەلگەن تەرمەشىلەر ۇلتتىڭ بولمىسىن، ەلدىڭ بىرلىگىن، سۇگىر جىراۋ بەگەندىكۇلىنىڭ 125 جىلدىق مەرەيتويىنا وراي تاقىرىپتىق باعىتتارداعى تەرمەلەرىن ارقاۋ ەتتى.

سونداي-اق، قازىلار القاسى تەرمەشىلەردى انشىلىك شەبەرلىگىنە، تاڭداعان تۋىندىسىنىڭ مازمۇندىلىعىنا، ساحنا مادەنيەتىن ۇستاۋىنا قاراپ باعا بەرەدى.

جۇلدەلى ورىن العان قاتىسۋشىلار ءتيىستى دارەجەدەگى ديپلومدار مەن باعالى سىيلىقتارمەن ماراپاتتالادى. بۇعان قوسا، حالىقتىق ونەردى ناسيحاتتاۋعا باعىتتالعان بۇل بايقاۋدىڭ جەڭىمپازدارى رەسپۋبليكالىق كەزەڭگە جولداما الادى.

دەرەككوز: Jambyl TV

پىكىرلەر
رەداكتسيا تاڭداۋى