Tarazda «Tekti sózdiń tóresi – terme» oblystyq baıqaýy ótti

207

Taraz qalasynda «Tekti sózdiń tóresi – terme» oblystyq baıqaýy ótti, – dep habarlaıdy “ZhambylNews” Aqparattyq Agenttigi.

Til mádenıetin damytyp, dástúrli terme janryn halyqqa keńinen nasıhattaýdy uran etken baıqaýǵa sóz ónerin jetik meńgergen termeshiler qatysyp, synǵa tústi.

Oblystyq baıqaýǵa aýdandar men Taraz qalasynan 11 úmitker qatysyp, ónerlerin ortaǵa saldy. Úmitterin úkilep kelgen termeshiler ulttyń bolmysyn, eldiń birligin, Súgir jyraý Begendikulynyń 125 jyldyq mereıtoıyna oraı taqyryptyq baǵyttardaǵy termelerin arqaý etti.

Sondaı-aq, qazylar alqasy termeshilerdi ánshilik sheberligine, tańdaǵan týyndysynyń mazmundylyǵyna, sahna mádenıetin ustaýyna qarap baǵa beredi.

Júldeli oryn alǵan qatysýshylar tıisti dárejedegi dıplomdar men baǵaly syılyqtarmen marapattalady. Buǵan qosa, halyqtyq ónerdi nasıhattaýǵa baǵyttalǵan bul baıqaýdyń jeńimpazdary respýblıkalyq kezeńge joldama alady.

Derekkóz: Jambyl TV

Pikirler