اتىراۋدا تۋدى وزگەرتىپ سۋرەتكە تۇسكەن قىزدارعا سوت ۇكىمى شىقتى، دەپ حابارلايدى “ادىرنا” ۇلتتىق پورتالى «موي گورود» باسىلىمىنا سىلتەپ.
سوت مۇنى "ۇساق بۇزاقىلىق" دەپ تانىپ، قىزداردىڭ بىرەۋىن 15 تاۋلىككە قامادى.
"اكىمشىلىك قۇقىق بۇزۋشىلىق تۋرالى كودەكستىڭ بابىنا سايكەس، مۇنداي ارەكەتكە 20 اەك مولشەرىندە ايىپپۇل نەمەسە 5 تاۋلىكتەن 15 تاۋلىككە دەيىن اكىمشىلىك قاماۋعا الۋ جازاسى قاراستىرىلعان", – دەيدى اتىراۋ قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان سوتى.
بۇعان دەيىن سوت ۇكىمىمەن قىزداردىڭ ءبىرى 15 تاۋلىككە قامالعان ەدى. ونىڭ جازاسىن اۋىرلاتقان جايت الگىندەي ارەكەتكە ءجاسوسپىرىمدى تارتقان جانە توپ بولىپ ارەكەت ەتۋگە مۇرىندىق بولعان.
ەكىنشى قىزعا 78 640 تەڭگە كولەمىندە ايىپپۇل سالىندى. ءۇشىنشى، كامەلەت جاسىنا جەتپەگەن قىزدىڭ اتا-اناسى دا 39 مىڭ تەڭگە ايىپپۇل ارقالادى. فوتودا ءتورتىنشى قىزدىڭ قانداي جازا العانى بەلگىسىز.
ەسكە سالساق، اتىراۋداعى مۇز ايدىنىندا ءتورت بويجەتكەن قارا نيقاب كيىپ، وزگەرتىلگەن قازاقستان تۋىمەن سۋرەتكە ءتۇسىپ، قوعام نارازىلىعىن تۋدىرعان ەدى.
