جامبىل وبلىسى ت.رىسقۇلوۆ اۋدانىندا 4 ۇل، 3 قىز ءوسىرىپ وتىرعان كوپبالالى انا اسەل قۇرمانوۆا باسپانالى بولدى، دەپ حابارلايدى قازاقپارات ءتىلشىسى. ول جالعىزباستى انانىڭ تۇرمىس جاعدايىن ەسكەرىپ، لۋگوۆوي اۋىلىنان پاتەر ساتىپ العان. كاسىپكەر اۋدان اكىمى ەربولات سادىرقۇلوۆپەن بىرگە ارنايى بارىپ، اسەل قۇرمانوۆاعا پاتەردىڭ كىلتىن سالتاناتتى تۇردە تابىس ەتتى. 7 بالانى جالعىز تاربيەلەپ وتىرعان اسەل قۇرمانوۆا وسىعان دەيىن قاراقىستاق اۋىلىندا پاتەردەن پاتەرگە كوشىپ كەلىپتى. جەرگىلىكتى جۇرتشىلىق اسەلدىڭ وتباسىلىق جاعدايىن ءتۇسىنىپ، قولدارىنان كەلگەنشە جاقسىلىعىن اياماعان. ەندى، قاسيەتتى رامازان ايىندا باسپانالى بولىپ، قۋانىشقا كەنەلگەن كەلىنشەكتىڭ جومارت جانعا، قاراقىستاقتىق اعايىنعا ايتار العىسى شەكسىز. ايتا كەتەيىك، بۇىندە ت.رىسقۇلوۆ اۋدانىندا باسپانا الۋ كەزەگىندە 622 ادام تىركەلسە، ونىڭ 100-گە جۋىعى كوپبالالى انالار. 552 وتباسىنان 880 بالا مەكتەپتە ىستىق تاماقپەن قامتىلىپ، جاز ماۋسىمىندا 200 بالا تەگىن دەمالىس لاگەرىنە جىبەرىلەدى.
دەرەككوز: https://www.inform.kz/kz/zhaksylyk-zhasa-zhambyl-turgyny-7-balasy-bar-anaga-pater-syylady_a3531014
