Jambyl oblysy T.Rysqulov aýdanynda 4 ul, 3 qyz ósirip otyrǵan kópbalaly ana Ásel Qurmanova baspanaly boldy, dep habarlaıdy QazAqparat tilshisi. Ol jalǵyzbasty ananyń turmys jaǵdaıyn eskerip, Lýgovoı aýylynan páter satyp alǵan. Kásipker aýdan ákimi Erbolat Sadyrqulovpen birge arnaıy baryp, Ásel Qurmanovaǵa páterdiń kiltin saltanatty túrde tabys etti. 7 balany jalǵyz tárbıelep otyrǵan Ásel Qurmanova osyǵan deıin Qaraqystaq aýylynda páterden páterge kóship kelipti. Jergilikti jurtshylyq Áseldiń otbasylyq jaǵdaıyn túsinip, qoldarynan kelgenshe jaqsylyǵyn aıamaǵan. Endi, qasıetti Ramazan aıynda baspanaly bolyp, qýanyshqa kenelgen kelinshektiń jomart janǵa, qaraqystaqtyq aǵaıynǵa aıtar alǵysy sheksiz. Aıta keteıik, búinde T.Rysqulov aýdanynda baspana alý kezeginde 622 adam tirkelse, onyń 100-ge jýyǵy kópbalaly analar. 552 otbasynan 880 bala mektepte ystyq tamaqpen qamtylyp, jaz maýsymynda 200 bala tegin demalys lagerine jiberiledi.
Derekkóz: https://www.inform.kz/kz/zhaksylyk-zhasa-zhambyl-turgyny-7-balasy-bar-anaga-pater-syylady_a3531014
