ەنەرگەتيكا مينيسترلىگى جانارماي قۇيۋ بەكەتتەرىندەگى جانارماي تاپشىلىعىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
مينيسترلىكتىڭ حابارلاۋىنشا، 2023 جىلعى 9 جەلتوقسانداعى جاعداي بويىنشا سۇيىتىلعان مۇناي گازىنىڭ قالدىعى ماڭعىستاۋ وبلىسى بويىنشا 1828,7 توننا (تاۋلىگىنە 3,2 توننا جەتكىزۋ) (اقتاۋ – 434 توننا، جاڭاوزەن – 476 توننا، مۇنايلى – 322 توننا، ماڭعىستاۋ – 172 توننا، تۇپقاراعان – 160,1 توننا، بەينەۋ – 129,8 توننا، قاراقيا – 134,8 توننا بولعان.
«وبلىستاعى جاعداي تۇراقتى، اقتاۋ، مۇنايلى جانە تۇپقاراعان اۋداندارىنداعى جانارماي قۇيۋ بەكەتتەرىندە بەس-جەتى ۆاگوننان تۇراتىن كەزەك بار، گازدى تاسىمالداۋ كەستەگە ساي جۇرگىزىلۋدە»، - دەپ حابارلادى مەكەمە.
وڭىردە وسى جانارماي تاپشىلىعىن بولدىرماۋ ماقساتىندا 1 جەلتوقساننان باستاپ تاۋلىگىنە 570 توننادان 620 تونناعا دەيىن جەتكىزىلەتىن بولادى.
«بۇگىنگى كۇنى اقتاۋ قالاسىنا 12 گاز زاۋىتىنا جوسپارلانعان جونەلتىلىم 182 توننا بولدى. كەزەكتەردىڭ باسىم بولىگى 29ا، 24 جانە «شىعىس» شاعىناۋدانىندا، قالا سىرتىندا كەزەك جوق. وڭىردەگى جانارماي قۇيۋ بەكەتتەرىندە گاز 54-59 تەڭگەدەن ساتىلۋدا»، - دەپ جاۋاپ بەردى ەنەرگەتيكا مينيسترلىگى.
