قازاقستان ەنەرگەتيكا مينيسترلىگى رەسەيدىڭ پەنزا وبلىسىندا «ورتا ازيا – ورتالىق» ماگيسترالدىق گاز قۇبىرىندا بولعان جارىلىسقا قاتىستى تۇسىنىكتەمە بەردى، دەپ حابارلايدى "ادىرنا".
رەسەيلىك باق-تىڭ مالىمەتىنشە، وقيعا ۆولچكوۆو اۋىلى ماڭىندا بولعان. جارىلىستان كەيىن گاز جانىپ، جالىننىڭ بيىكتىگى 70 مەترگە دەيىن جەتكەن. كەيىن جوعارى قىسىمدى ماگيسترالدىق گاز قۇبىرىندا زاقىمدانۋ بولعانى تۋرالى اقپارات تارادى
قازاقستان ەنەرگەتيكا مينيسترلىگىنىڭ حابارلاۋىنشا، رەسەيدەن قازاقستانعا گاز جەتكىزۋ قولدانىستاعى كەلىسىمشارتتار مەن وتىنىمدەرگە سايكەس قالىپتى رەجيمدە جالعاسىپ جاتىر. قازاقستان اۋماعى ارقىلى وزبەكستانعا گاز ءترانزيتى دە جوسپارعا ساي جۇزەگە اسىرىلۋدا.
«قازاقستاننىڭ گاز تاسىمالداۋ جۇيەسىنىڭ جۇمىسىندا اۋىتقۋلار تىركەلگەن جوق. اتالعان وقيعا قازاقستان تۇتىنۋشىلارىن گازبەن قامتۋعا اسەر ەتىپ وتىرعان جوق. «گازپروم» تاراپىنان ديسپەتچەرلىك بايلانىس ارنالارى ارقىلى گاز جەتكىزۋ رەجيمىن وزگەرتۋ تۋرالى ءوتىنىش تۇسكەن جوق»، – دەلىنگەن مينيسترلىك حابارلاماسىندا.
«ورتا ازيا – ورتالىق» گاز قۇبىرى – تۇرىكمەنستان، وزبەكستان جانە قازاقستاننان رەسەيگە تابيعي گاز تاسىمالداۋعا ارنالعان ماگيسترالدىق جۇيە.
