2024 جىلدىڭ 1 قاڭتارىنان ۇلتتىق قورداعى ينۆەستيتسيالىق تابىستىڭ 50 پايىزى بارلىق 18-گە تولعان بالالارعا تەڭدەي بولىنەدى. بۇل تۋرالى قارجى ۆيتسە-ءمينيسترى داۋرەن تەمىربەكوۆ ورتالىق كوممۋنيكاتسيالار الاڭىندا ايتتى، دەپ حابارلايدى “ادىرنا” ۇلتتىق پورتالى.
2024 جىلدىڭ 1 قاڭتارىندا ەلدەگى كامەلەتكە تولماعان بارلىق بالاعا بىردەي قاراجات اۋدارىلادى. ال اۋدارىمدى 18 جاسقا تولعان بالا عانا شەشە الادى. ياعني قازىر 17 جاستاعى بالالار كەلەسى جىلى ءبىر رەتتىك تولەمدى عانا الادى. جىل سايىن اقپان ايىندا تولەم جاسالىپ وتىرادى. قازىر 16 جاستاعىلار ەكى رەتتىك تولەمدى الا الادى، - دەدى قارجى ۆيتسە-ءمينيسترى داۋرەن تەمىربەكوۆ.
2023 جىلعى 1 قازانداعى رەسمي دەرەكتەر بويىنشا ەلدەگى 18 جاسقا دەيىنگى بالالاردىڭ جالپى سانى شامامەن 7 ميلليون ادامدى قۇرادى. بىراق بۇل كورسەتكىش كەلەسى جىلدىڭ 1 قاڭتارىنا دەيىن وزگەرەتىنى بەلگىلى. سوندىقتان سوما كولەمى تەك 2024 جىلى 18 جاسقا دەيىنگى بارلىق بالانىڭ سانى انىقتالعاندا بەلگىلى بولادى.
اتا-انالار اقشا اۋدارىمىن بجزق-نىڭ سايتىنان بالانىڭ جسن-ءىن تەرۋ ارقىلى بىلە الادى. ول جەردە جىلىنا قانشا اقشا اۋدارىلعانى كورسەتىلىپ تۇرادى. ال بىرنەشە جىلدا جينالعان جيىنتىق سومانىڭ قانشا بولعانىن ءبىلۋ ءۇشىن egov.kz-تەگى جەكە كابينەتكە كىرۋ قاجەت بولادى، - دەيدى داۋرەن تەمىربەكوۆ.
