بۇگىن — تانىمال جۋرناليست، تەلەجۇرگىزۋشى بەيسەن قۇرانبەكتىڭ (1971-2020) تۋعان كۇنى. كوزى ءتىرى بولسا، تەلەجۇرگىزۋشى 52 جاسقا تولار ەدى، دەپ حابارلايدى «ادىرنا» ءتىلشىسى.
بەيسەن قۇرانبەك 1971 جىلدىڭ 9 جەلتوقسانىندا الماتى وبلىسىنىڭ قىزىلجار اۋىلىندا دۇنيەگە كەلگەن. ۇزاق جىلدار بويى ەلىمىزدەگى بىرقاتار رەسپۋبليكالىق تەلەارنادا قىزمەت اتقارعان.
2013-2017 جىلدارى Qazaqstan ۇلتتىق تەلەارناسىنداعى كوپشىلىككە تانىمال "ايتۋعا وڭاي" الەۋمەتتىك-تۇرمىستىق توك-شوۋىنىڭ جۇرگىزۋشىسى بولدى. 2017 جىلدىڭ قىركۇيەك ايىنان ۇلتتىق ارناداعى "قارەكەت" باعدارلاماسىنىڭ تىزگىنىن ۇستاعان ەدى. 2014 جىلدان باستاپ الماتى وبلىستىق "جەتىسۋ" تەلەارناسىنىڭ باس ديرەكتورى قىزمەتىن اتقاردى.
