مەملەكەت باسشىسى قاسىم-جومارت توقاەۆ تۇڭعىش پرەزيدەنت نۇرسۇلتان نازارباەۆتى تۋعان كۇنىمەن قۇتتىقتادى، دەپ حابارلايدى «ادىرنا» ءتىلشىسى.
ول ءوز قۇتتىقتاۋىندا نازارباەۆتىڭ زاماناۋي قازاق مەملەكەتتىلىگىنىڭ نەگىزىن قالاۋ، قازاقستان رەسپۋبليكاسىن قۇرۋ، ەلىمىزدىڭ ەكونوميكالىق الەۋەتىن نىعايتۋ جانە حالىقارالىق ارەناداعى ورنى مەن بەدەلىن بەكەمدەۋ جولىنداعى تاريحي ميسسياسىن اتاپ ءوتتى.
سونداي-اق قاسىم-جومارت توقاەۆ نۇرسۇلتان نازارباەۆتىڭ ەلوردانى استاناعا كوشىرۋ تۋرالى شەشىمىنىڭ ماڭىزى ايرىقشا ەكەنىنە توقتالدى.
«ەلوردانىڭ سارىارقا توسىنە كوشىرىلۋى قازاقستاننىڭ جان-جاقتى وركەندەۋىنە تىڭ سەرپىن بەردى. بۇگىندە استانا قارىشتاپ دامىپ، الەمدەگى كورىكتى شاھاردىڭ بىرىنە اينالىپ كەلەدى»،– دەلىنگەن قۇتتىقتاۋدا.
مەملەكەت باسشىسى تۇڭعىش پرەزيدەنتكە مىقتى دەنساۋلىق، ۇزاق عۇمىر جانە باق-بەرەكە تىلەدى.
بۇعان دەيىن بەلارۋس پرەزيدەنتى الەكساندر لۋكاشەنكو دا قازاقستاننىڭ تۇڭعىش پرەزيدەنتىن قۇتتىقتاعان ەدى.
