Qaraǵandydaǵy Kostenko shahtasynda mert bolǵan shahterlerdiń týystary úndeý jasady, dep habarlaıdy "Adyrna" ulttyq portaly. Bul týraly Jan Ahmadıev óziniń áleýmettik jelidegi paraqshasynda bólisti.
Qaza tapqan shahterlerdiń biriniń týysy vıdeohabarlama túsirip, bılik tarapynan ýáde etilgen qarajattyń berilmegenin, kómek qolyn sozǵan kompanııa ákimdik qoryna bergenderin aıtyp, áli aqshalaı kómekke qol jetkize almaı otyrǵandaryn baıandaǵan.
"Qaıǵy keship otyrǵan otbasylardyń kóbiniń jaǵdaıy nashar. Biri kópbalaly, biriniń balalarynyń densaýlyǵynyń aqaýlyqtary bar taǵysyn-taǵy. Biz 400 mıllıon teńge bólgen kompanııaǵa habarlasyp qarajat suraǵanymyzda, ákimdikke aýdardyq dedi. Al ákimdik jaýapsyz qalyp otyr", dedi vıdeodaǵy áıel.
Posmotret etý pýblıkaııý v Instagram
Eske sala keteıik, barlyq 46 otbasyn BJZQ-dan jerleýge birjolǵy tólem berilgen bolatyn. Kámeletke tolmaǵan jáne 23 jasqa deıingi joǵary oqý oryndarynda oqıtyn balalary bar 20 otbasyna asyraýshysynan aırylý jaǵdaıy boıynsha memlekettik áleýmettik járdemaqy taǵaıyndaldy.
Memleket qaza tapqan kenshilerdiń otbasylaryna ári qaraı da qoldaý kórsetedi dep sendirdi. "ArselorMıttal Temirtaý" kompanııasy óz tarapynan 44 otbasyǵa 10 jyldyq jalaqy tóleıtinderin aıtty. Qaza tapqan kenshilerdiń, olardyń jubaıynyń, ata-analary men balalarynyń nesıeleri óteletini taǵy aıtyldy. Sondaı-aq, jumys berýshi ár otbasy múshesine keminde 18 sharshy metr bolatyn páter satyp áperetini aıtylǵan bolatyn
