ادەبيەتتە اتى التىن ارىپپەن جازىلعان اتاقتى جازۋشى ءابىش كەكىلبايدىڭ بۇگىن — تۋعان كۇنى. ول 1939 جىلى 6 جەلتوقسان كۇنى ماڭعىستاۋ وبلىسى، ماڭعىستاۋ اۋدانى (بۇرىنعى گۋرەۆ وبلىسى), وڭدى اۋىلىنىڭ مىرزايىر دەگەن جەرىندە دۇنيەگە كەلگەن.
اتاقتى قالامگەردىڭ ادەبيەتكە قۇمارلىعى مەكتەپ قابىرعاسىندا باستالادى. 1957 جىلى 5 مامىر «لەنينشىل جاستىڭ» بەلسەندى اۋىلدىق ءتىلشىسى رەتىندە قازاقستان كومسومولى ورتالىق كوميتەتىنىڭ ماقتاۋ قاعازىمەن ماراپاتتالادى.
1957 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىنە تۇسەدى. ۋنيۆەرسيتەتتە ادەبيەت بىرلەستىگىن باسقارىپ، جاس تالاپتار شوعىرىن جارىققا شىعارادى. سوڭعى كۋرستا وقىپ ءجۇرىپ، «قازاق ادەبيەتى» گازەتىندە قىزمەت اتقارادى. مۇندا ول سىنشىلىق قابىلەتىمەن كوزگە تۇسەدى. «قازاق ادەبيەتىنەن» كەيىن 1962-65 جىلدار ارالىعىندا «لەنينشىل جاس» گازەتىندە ءبولىم مەڭگەرۋشىسى بولىپ ىستەدى.
ءابىش كەكىلبايۇلىنىڭ العاشقى ولەڭدەر جيناعى «التىن شۋاق» 1962 جىلى، «ءبىر شوكىم بۇلت» 1965 جىلى جارىق كوردى.
سونداي-اق، قازاقستان رەسپۋبليكاسىنىڭ 20 جىلدىعىنا بايلانىستى "قازاقفيلم" تاراپىنان رەجيسەر جاڭابەك جەتىرۋدىڭ ء"ابىش كەكىلباەۆ الەمى" اتتى ءفيلمى جارىق كورگەن بولاتىن.
ءابىش كەكىلبايۇلى 2015 جىلدىڭ 11 جەلتوقسانىندا دۇنيەدەن ءوتتى. مۇردەسى ۇلتتىق پانتەونعا جەرلەندى.
