تارازدا ءانۇراندى ءبىر مەزەتتە 6 مىڭنان استام ادام ورىندادى

144

ماۋسىم ايىنىڭ ءتورتىنشى جۇلدىزىندا تارازدىق جاستار مەملەكەتتىك رامىزدەر كۇنى اۆتو جانە موتوشەرۋ وتكىزدى.  ولار قازاقستان رەسپۋبليكاسىنىڭ تۇڭعىش پرەزيدەنتى ساياباعىنان جاستار اللەياسىنا دەيىن ءجۇرىپ ءوتتى. وعان 20 اۆتوكولىك پەن 15 موتوبايكەر قاتىستى. جولدا بەلسەندىلەرگە 30-عا تارتا ۆەلوشاباندوز قوسىلىپ، اكتسيا ۇيىمداستىرىلدى. شارا بەيبىتشىلىك پەن ىنتىماقتاستىقتىڭ نىشانىنا اينالعان كوك تۋىمىز، ەلتاڭبامىز بەن ءانۇرانىمىزدى، جالپى رامىزدەر كۇنىن جوعارى دەڭگەيدە اتاپ وتۋگە باعىتتالعان. سونىمەن قاتار وڭىردە مەملەكەتتىك ءانۇراندى ءبىر مەزەتتە 6 مىڭنان استام ادام ورىندادى. ال جالپى اۋدان، اۋىلداردا رامىزدەر كۇنىن ۇلىقتاۋعا ارنالعان 100-گە تارتا ءىس-شارا وتكىزىلدى. ۇلانا سلامبەكوۆا، قالالىق ىشكى ساياسات ءبولىمىنىڭ باسشىسى: - بۇگىن بۇكىل قازاق ەلى رامىزدەر كۇنىن تويلاۋدا. 27 جىلدىعىنا وراي جاستاردىڭ اراسىندا رامىزگە دەگەن قۇرمەتتى ارتتىرۋ ماقساتىندا «ءبىر تۋ استىنداعى تاۋەلسىز قازاقستان» اتتى جاستار پاتريوتتىق اكتسياسىن ۇيىمداستىرىپ جاتىرمىز.

دەرەككوز:  https://24.kz/kz/zha-aly-tar/o-am/item/319546-tarazda-n-randy-bir-mezette-6-my-nan-astam-adam-oryndady

پىكىرلەر