Maýsym aıynyń tórtinshi juldyzynda Tarazdyq jastar Memlekettik rámizder kúni avto jáne motosherý ótkizdi. Olar Qazaqstan Respýblıkasynyń Tuńǵysh Prezıdenti saıabaǵynan jastar alleıasyna deıin júrip ótti. Oǵan 20 avtokólik pen 15 motobaıker qatysty. Jolda belsendilerge 30-ǵa tarta veloshabandoz qosylyp, akııa uıymdastyryldy. Shara beıbitshilik pen yntymaqtastyqtyń nyshanyna aınalǵan Kók Týymyz, Eltańbamyz ben Ánuranymyzdy, jalpy rámizder kúnin joǵary deńgeıde atap ótýge baǵyttalǵan. Sonymen qatar óńirde memlekettik Ánurandy bir mezette 6 myńnan astam adam oryndady. Al jalpy aýdan, aýyldarda rámizder kúnin ulyqtaýǵa arnalǵan 100-ge tarta is-shara ótkizildi. Ulana Slambekova, qalalyq ishki saıasat bóliminiń basshysy: - Búgin búkil qazaq eli rámizder kúnin toılaýda. 27 jyldyǵyna oraı jastardyń arasynda rámizge degen qurmetti arttyrý maqsatynda «Bir tý astyndaǵy Táýelsiz Qazaqstan» atty jastar patrıottyq akııasyn uıymdastyryp jatyrmyz.
Basqa materıaldar
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз