Prezıdent Qytaı Halyq Respýblıkasynyń Qazaqstandaǵy elshisi Chjan Sıaomen áńgimelesý barysynda ekijaqty yntymaqtastyqtyń qarqyndy damyp kele jatqanyna toqtaldy, dep habarlaıdy «Adyrna» ulttyq portaly.
Aqordanyń resmı saıtynyń jazýynsha, Qasym-Jomart Toqaev Qazaqstannyń Qytaımen barlyq baǵyt boıynsha yqpaldastyqty jandandyrýǵa nıetti ekenin jetkizgen.
«Kezdesýde saýda, aýyl sharýashylyǵy, energetıka, jańa tehnologııa, kólik jáne logıstıka salalaryndaǵy ózara tıimdi qatynastardy odan ári arttyrý mańyzdy ekeni atap ótildi. Sondaı-aq mádenı-gýmanıtarlyq baılanystardy nyǵaıtý máselesine de nazar aýdaryldy», - delingen aqparatta.
Aıta keteıik, 2020 jyly Qazaqstan Respýblıkasynyń Syrtqy ister mınıstrliginde Qytaıdyń Qazaqstandaǵy elshisi Chjan Sıaomen kezdesý barysynda qazaqstandyq tarap qytaılyq www.sohu.com saıtyndaǵy «Qazaqstan nege Qytaıǵa oralýǵa tyrysady» atty maqalaǵa qatysty narazylyq bildirgen bolatyn.
«Qytaı elshisine mundaı sıpattaǵy maqalanyń jarııalanýy 2019 jylǵy 11 qyrkúıekte Memleket basshylary qol qoıǵan Qazaqstan Respýblıkasy men Qytaı Halyq Respýblıkasynyń birlesken málimdemesinde aıqyndalǵan máńgilik jan-jaqty strategııalyq áriptestik rýhyna sáıkes kelmeıtindigi atap ótildi»,- dep jetkizgen edi Syrtqy ister mınıstrligi.
Bir eskeretini, Sıaonyń ózi daýly málimdemelerimen jáne jergilikti baspasóz ókilderine qarsy agressııasymen tanymal.
Chjan Sıao 1964 jyly jeltoqsanda Qytaıdyń Gýandýn provınııasyndaǵy Sınnın qalasynda dúnıege kelgen. 1987-1988 jyldar aralyǵynda Qytaı Halyq Respýblıkasy Syrtqy ister mınıstrligi hattama departamentiniń qyzmetkeri;
2014-2017 jj – Qytaıdyń Reseı Federaııasyndaǵy elshiliginiń ókili;
2001-2003 jj – Qytaıdyń Belarýs Respýblıkasyndaǵy elshiliginiń keńesshisi;
2017-2018 jj – Qytaı Halyq Respýblıkasy Syrtqy ister mınıstrliginiń Eýropa jáne Ortalyq Azııa departamentinde jumys isteıdi (departament dırektory deńgeıinde);
2018 jylǵy 31 tamyzdan bastap Qytaı Halyq Respýblıkasynyń Qazaqstan Respýblıkasyndaǵy Tótenshe jáne Ókiletti Elshisi.
«Adyrna» ulttyq portaly
