ميتينگىگە شىققان 200 ادامدى باسقا قالالارعا اپارىپ تاستادىق – قوجاەۆ

1790
ەكى كۇننىڭ ىشىندە نۇر-سۇلتان مەن الماتى قالاسىندا 700-گە جۋىق ادام ۇستالعان

 ىشكى ىستەر مينيسترلىگى ميتينگىلەر كەزىندە ۇستالعان ادامداردى باسقا قالالارعا نە ءۇشىن اپارىپ تاستاعانىن ءتۇسىندىردى، دەپ حابارلايدى Sputnik قازاقستان تىلشىسى.

ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆتىڭ ايتۋىنشا، 9 ماۋسىم كۇنى نۇر-سۇلتاندا ۇستالعان 500 ادامنىڭ ءبىر بولىگى ايىپپۇل تولەۋگە مىندەتتەلسە، ەندى بىرەۋلەر قاماۋعا الۋ سياقتى اكىمشىلىك جازاعا تارتىلدى.

"نۇر-سۇلتان قالاسىنىڭ سۋديالارى بارلىق كىنالى ازاماتقا قاتىستى سوت شەشىمىن شىعاردى. ال جازانى وتەۋ جەرى ىشكى ىستەر ورگاندارىنىڭ نورماتيۆتىك اكتىلەرىمەن بەكىتىلگەن. ءبىز سوت شەشىمىن ورىندايمىز. سونداي-اق، كىنالى ازاماتتاردى قاي جەردە ۇستايتىنىمىزدى انىقتايمىز. شامامەن، 200 ادامدى ءبىز اقمولا مەن قاراعاندى وبلىستارىنا شىعاردىق", - دەدى قوجاەۆ جۋرناليستەرگە بەرگەن سۇحباتىندا.

ونىڭ سوزىنە قاراعاندا، سوتتار بارلىق ماتەريالدى ءبىر تاۋلىكتىڭ ىشىندە قارايدى. ال ىشكى ىستەر ورگاندارى 10 كۇندىك جازانى وتەۋ جەرىن انىقتايدى.

تاعى وقىڭىز: ميتينگ كەزىندە ۇستالعانداردىڭ ناقتى سانى جاريا ەتىلدى

ايتا كەتەيىك، ەكى كۇننىڭ ىشىندە نۇر-سۇلتان مەن الماتى قالاسىندا 700-گە جۋىق ادام ۇستالعان بولاتىن.

ميتينگىلەر بولعان ءبىرىنشى كۇنى 500 ادام ۇستالعان ەدى. ونىڭ ىشىندە 400 ادام جاۋاپكەرشىلىككە تارتىلدى. ال ەكىنشى كۇنى شامامەن 200 ادام ىشكى ىستەر ورگاندارىنا جەتكىزىلدى. ولاردىڭ اراسىندا 150-گە تارتا ادام جاۋاپكەرشىلىككە تارتىلدى", - دەدى مينسترلىكتىڭ رەسمي وكىلى ءنۇردىلدا وراز.

 

پىكىرلەر
رەداكتسيا تاڭداۋى
Серіктестер/Партнеры
Студия IMA - создание сайтов Доставка цветов Астана - Lova Buket