Mıtıngige shyqqan 200 adamdy basqa qalalarǵa aparyp tastadyq – Qojaev

2018
Adyrna.kz Telegram
Eki kúnniń ishinde Nur-Sultan men Almaty qalasynda 700-ge jýyq adam ustalǵan

 Ishki ister mınıstrligi mıtıngiler kezinde ustalǵan adamdardy basqa qalalarǵa ne úshin aparyp tastaǵanyn túsindirdi, dep habarlaıdy Sputnik Qazaqstan tilshisi.

Ishki ister mınıstriniń birinshi orynbasary Marat Qojaevtyń aıtýynsha, 9 maýsym kúni Nur-Sultanda ustalǵan 500 adamnyń bir bóligi aıyppul tóleýge mindettelse, endi bireýler qamaýǵa alý sııaqty ákimshilik jazaǵa tartyldy.

"Nur-Sultan qalasynyń sýdıalary barlyq kináli azamatqa qatysty sot sheshimin shyǵardy. Al jazany óteý jeri ishki ister organdarynyń normatıvtik aktilerimen bekitilgen. Biz sot sheshimin oryndaımyz. Sondaı-aq, kináli azamattardy qaı jerde ustaıtynymyzdy anyqtaımyz. Shamamen, 200 adamdy biz Aqmola men Qaraǵandy oblystaryna shyǵardyq", - dedi Qojaev jýrnalısterge bergen suhbatynda.

Onyń sózine qaraǵanda, sottar barlyq materıaldy bir táýliktiń ishinde qaraıdy. Al ishki ister organdary 10 kúndik jazany óteý jerin anyqtaıdy.

Taǵy oqyńyz: Mıtıng kezinde ustalǵandardyń naqty sany jarııa etildi

Aıta keteıik, eki kúnniń ishinde Nur-Sultan men Almaty qalasynda 700-ge jýyq adam ustalǵan bolatyn.

Mıtıngiler bolǵan birinshi kúni 500 adam ustalǵan edi. Onyń ishinde 400 adam jaýapkershilikke tartyldy. Al ekinshi kúni shamamen 200 adam ishki ister organdaryna jetkizildi. Olardyń arasynda 150-ge tarta adam jaýapkershilikke tartyldy", - dedi mınstrliktiń resmı ókili Nurdildá Oraz.

 

Pikirler