پاريجدەگى ەيفەل مۇناراسىنىڭ جانىندا بەلگىسىز بىرەۋ تۋريستەرگە شابۋىل جاسادى، دەپ حابارلايدى "ادىرنا" ءتىلشىسى BFMTV پورتالىنا سىلتەمە جاساپ.
پاريجدەگى ايگىلى مۇنارا ەيفەلدىڭ جانىندا بەلگىسىز بىرەۋ تۋريستەرگە پىشاقپەن شابۋىل جاساعان. دەرەكتەرگە ساي، بۇل ارەكەت گرەنەل جاعالاۋى ايماعىندا بولعان.
شابۋىلداۋشىنىڭ قۇربانى گەرمانيا مەن فيليپپين ازاماتتىعى بار تۋريست بولدى. ول العان جاراقات سالدارىنان كوز جۇمدى.
بەلگىسىز ەر ادام "اللاھۋ اكبار!" دەپ ايقايلاپ، سول ماڭايداعى تاعى ەكى ادامدى جارالعان. پوليتسيا ونى ۇستاۋ ءۇشىن ەلەكتر شوكەردى پايدالانىپ، ءبىراز كۇش جۇمساعان.
شابۋىلشى سەنبى كۇنى كەشكى ساعات 21:30 شاماسىندا حاكەيم كوپىرىنىڭ جانىندا قاماۋعا الىندى. پاريج پروكۋراتۋراسى "كىسى ءولتىرۋ" جانە "كىسى ولتىرۋگە وقتالۋ" باپتارى بويىنشا تەرگەۋدى باستادى.
شابۋىلشى "s تىزىمىنە" (ىقتيمال قاۋىپتى راديكالدانعان يسلاميستەردىڭ ءتىزىمى) ەنىپ، پسيحيكالىق اۋىتقۋى بار ەكەنى انىقتالدى.
كەيىننەن شابۋىلداعان 26 جاستاعى فرانتسيا ازاماتى بولىپ شىقتى. ول بۇعان دەيىن دە راديكالدى ارەكەتتەرى ارقىلى بىرنەشە رەت ءىستى بولعان.
"تۇتقىنعا الىنعاننان كەيىن ەر ادام اۋعانستان مەن پالەستينا مۇسىلماندارىنىڭ قىرىلىپ جاتقانىنا شىداي المايتىنىن ايتتى", - دەدى فرانتسيا ىشكى ىستەر ءمينيسترى جەرالد دارمانين.
