قازاقستان تۋريستەرى ءۇشىن پاكىستان ۆيزاسى تەگىن بەرىلەدى. 2024 جىلدىڭ 14 تامىزىنان باستاپ 126 ەلدەن كەلگەن تۋريستەر مەن ىسكەر ساياحاتشىلار ءۇشىن پاكىستان بيلىگى تەگىن ۆيزالاردى ۇسىنۋدا. بۇل تۋرالى Visasnews.com جازدى، دەپ حابارلايدى “ادىرنا ۇلتتىق پورتالى.
اقپاراتقا سايكەس، پاكىستان وسى ارقىلى ەلدەگى ءتۋريزمدى دامىتپاق.
«126 ەلدەن كەلگەن كەلۋشىلەر ءۇشىن ەلەكتروندىق ۆيزا (e-Visa) الىمدارى جويىلادى جانە ءوتىنىش بەرۋ پروتسەسى ايتارلىقتاي جەڭىلدەتىلەدى. بۇل ەلدەردىڭ ازاماتتارى ءۇشىن ۆيزا تۋريستىك جانە ىسكەرلىك ماقساتتار ءۇشىن تەگىن بەرىلەدى، 90 كۇندىك ۆيزا 24 ساعات ىشىندە بەرىلەدى»، - دەلىنگەن حابارلامادا.
ايتا كەتسەك، 126 ەلدىڭ ىشىندە قازاقستان دا بار.
