Parıjdegi Eıfel munarasynyń janynda belgisiz bireý týrısterge shabýyl jasady, dep habarlaıdy "Adyrna" tilshisi BFMTV portalyna silteme jasap.
Parıjdegi áıgili munara Eıfeldiń janynda belgisiz bireý týrısterge pyshaqpen shabýyl jasaǵan. Derekterge saı, bul áreket Grenel jaǵalaýy aımaǵynda bolǵan.
Shabýyldaýshynyń qurbany Germanııa men Fılıppın azamattyǵy bar týrıst boldy. Ol alǵan jaraqat saldarynan kóz jumdy.
Belgisiz er adam "Allahý ákbar!" dep aıqaılap, sol mańaıdaǵy taǵy eki adamdy jaralǵan. Polıııa ony ustaý úshin elektr shokerdi paıdalanyp, biraz kúsh jumsaǵan.
Shabýylshy senbi kúni keshki saǵat 21:30 shamasynda Hakeım kópiriniń janynda qamaýǵa alyndy. Parıj prokýratýrasy "kisi óltirý" jáne "kisi óltirýge oqtalý" baptary boıynsha tergeýdi bastady.
Shabýylshy "s tizimine" (yqtımal qaýipti radıkaldanǵan ıslamısterdiń tizimi) enip, psıhıkalyq aýytqýy bar ekeni anyqtaldy.
Keıinnen shabýyldaǵan 26 jastaǵy Franııa azamaty bolyp shyqty. Ol buǵan deıin de radıkaldy áreketteri arqyly birneshe ret isti bolǵan.
"Tutqynǵa alynǵannan keıin er adam Aýǵanstan men Palestına musylmandarynyń qyrylyp jatqanyna shydaı almaıtynyn aıtty", - dedi Franııa ishki ister mınıstri Jerald Darmanın.
