پاۆلودار قالاسىندا 1-ءشى سىنىپ وقۋشىلارىنا بوقاۋىز ءسوز ايتىپ، مەكتەپ اۋلاسىنان الىپ كەتپەك بولعان ەر ادام سوتتالدى، دەپ حابارلايدى "ادىرنا" ءتىلشىسى.
بۇل وقيعا 14 قىركۇيەك كۇنى قالاداعى كەنجەكول ورتا مەكتەبىنىڭ اۋلاسىندا بولعان.
پاۆلودار قالالىق اكىمشىلىك قۇقىقبۇزۋشىلىقتار جونىندەگى مامانداندىرىلعان سوتىندا كۇدىكتى ءوز كىناسىن تولىق مويىنداعانى ايتىلدى. ونىڭ تەرىس ارەكەتى ۋچاسكەلىك پوليتسيا قىزمەتكەرى مەن كۋاگەرلەردىڭ ايعاقتارىمەن دالەلدەنگەن. بۇل تۋرالى رەسمي حابارلامادا:
"سوت ونى اكىمشىلىك قۇقىقبۇزۋشىلىق تۋرالى كودەكستىڭ 434-بابى 1-بولىگىمەن كىنالى دەپ تانىپ، 10 تاۋلىككە اكىمشىلىك قاماۋعا الىندى", - دەپ جازىلعان.
الايدا سوت ۇكىمى زاڭدى كۇشىنە ەنگەن جوق.
ەسكە سالا كەتەيىك، بۇعان دەيىن الەۋمەتتىك جەلىدە كەنجەكول مەكتەبىندە ماس ەر ادامنىڭ 1-سىنىپتىڭ ەكى وقۋشىسىن الىپ كەتۋگە تىرىسقانى تۋرالى اقپارات تاراعان ەدى. جابىرلەنۋشى بالالاردىڭ اناسى وقيعانى ۆيدەوعا ءتۇسىرىپ، جەلىگە جاريالاعان.
ۆيدەودا اتا-انا وبلىس اكىمى جانە ءبىلىم بەرۋ باسقارماسىنان مەكتەپتەرگە كۇزەت قويۋدى سۇراعان بولاتىن.
