اتىراۋدا شەتەلدىك ترانسسەكسۋال مەن ەر ادام ينتيمدىك قىزمەت كورسەتۋمەن اينالىسقان. بۇل تۋرالى وبلىستىق پوليتسيا دەپارتامەنتى ايتتى، دەپ حابارلايدى «ادىرنا» ءتىلشىسى.
«اتىراۋ وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ينتيمدىك قىزمەت كورسەتەتىن ساۋنانى انىقتادى. ساۋنادا ەلىمىزدىڭ ءتۇرلى وڭىرلەرىنىڭ - شىمكەنت، الماتى جانە جامبىل وبلىستارىنىڭ 8 تۇرعىنىنا "قىزمەت" كورسەتىلگەن.
اكىمشىگە قاتىستى قر قك-ءنىڭ 309-بابى بويىنشا قىلمىستىق ءىس قوزعالدى»،—دەلىنگەن حابارلامادا.
سونىمەن قاتار "قۇقىقتىق ءتارتىپ" ءىس-شاراسى بارىسىندا ينتيمدىك قىزمەت كورسەتكەن تاجىكستان رەسپۋبليكاسىنىڭ 26 جاستاعى ترانسسەكسۋال ازاماتى مەن ينتەرنەت جەلىسى ارقىلى ينتيمدىك قىزمەت كورسەتۋ ءۇشىن تاپسىرىس قابىلداعان ەر ادام بەلگىلى بولدى.
«قازاقستانعا قاراشا ايىندا كەلگەن شەتەلدىك ازاماتقا قاتىستى ەلدەن شىعارۋ جونىندە ءىس-قۇجاتتار كوشى-قون باسقارماسىنا تاپسىرىلدى. بارلىق انىقتالعان تۇلعا جەزوكشەلىكپەن اينالىسقاندار ەسەبىنە تىركەلدى»،—دەپ تولىقتىردى پوليتسيا دەپارتامەنتى.
