Hosteldegi órtte qaza tapqan qazaqstandyqtardyń otbasyna 1 mln teńge beriledi. Bul týraly Almaty qalasynynyń ákimi Erbolat Dosaev málimdedi, dep habarlaıdy “Adyrna” ulttyq portaly.
Budan bólek máıitterdi tasymaldaýdyń shyǵynyn memleket kóteredi. Qaıtys bolǵan sheteldikterdiń otbasylaryna máıitterdi jerleý ornyna jetkizýge kómek kórsetiledi.
Eske salaıyq, búgin Almatyda hostel órtenip, 13 adam qaza tapqan edi. Olardyń ekeýi Reseı men Ózbekstan azamattary.
Mınıstr Syrym Sháriphanovtyń aıtýynsha, stýdentter ózderi oqyp jatqan joǵary oqý oryndary men qala ákimdigine baspana kerek ekenin aıtpaı, osy hostelde turyp kelgen. Qazir órttiń shyǵý sebepteri men oǵan jaýapty tulǵalardy anyqtaý úshin arnaıy komıssııa quryldy.
