شەتەلدەگى وپپوزيتسيالىق ساياساتكەر مۇحتار ءابليازوۆتىڭ اعاسى قۋانىش نۇرعازين 24 شىلدەدە الماتى اۋەجايىندا ۇستالىپ، مىرزاقاماققا الىندى. بۇل تۋرالى باس پروكۋراتۋرا حابارلادى، دەپ جازادى "ادىرنا" ۇلتتىق پورتالى.
پروكۋراتۋرا نۇرعازيندى ءابليازوۆتىڭ اعاسى قۋانىش نۇرعازيندى "سىبايلاسى" دەپ اتادى. اعاسىنىڭ ءوز ەركىمەن ەلگە ورالعانىن جەتكىزدى.
سونىمەن قاتار، باس پروكۋراتۋرا قۋانىش نۇرعازيندى ءابليازوۆ باسقاراتىن «BSC» جشس-نىڭ نومينالدى ديرەكتورى رەتىندە اتايدى. ءابليازوۆ جانە ونىڭ سىبايلاستارى وسى كومپانيانى زاڭسىز نەسيەلەندىرۋ ارقىلى بتا بانكتەن اسا ءىرى كولەمدە قاراجات جىمقىرعانىن جازادى.
ء"ابليازوۆ جانە ونىڭ سىبايلاستارى وسى كومپانيانى زاڭسىز نەسيەلەندىرۋ ارقىلى بتا بانكتەن اسا ءىرى كولەمدە قاراجات جىمقىرعان", - دەپ جازدى پروكۋراتۋرا.
پروكۋراتۋرا نۇرعازيننىڭ سوتتالۋشى بولا تۇرا ەشقايدا كەتپەۋ تۋرالى مىندەتتەمەسىن بۇزىپ، قىلمىستىق جاۋاپكەرشىلىكتەن جالتارۋ ماقساتىندا سوتتان جاسىرىنعانىن العا تارتادى.
"ول 12 جىل بويى ليتۆا اۋماعىندا جاسىرىنىپ، سول جەردە بوسقىن مارتەبەسىن العان. نۇرعازين قازاقستانعا ءوز ەركىمەن ورالۋعا نيەت ءبىلدىردى. 24 شىلدەدە پاسپورتتىق باقىلاۋدان وتكەننەن كەيىن ول ۇستالىپ، ۋاقىتشا ۇستاۋ يزولياتورىنا قامالدى. نۇرعازيننىڭ جاسى مەن دەنساۋلىق جاعدايىن ەسكەرە وتىرىپ، 25 شىلدەدە سوت ونى ۇيقاماققا اۋىستىردى" دەپ جازدى پروكۋراتۋرا حابارلاماسىندا.
دەگەنمەن شەتەلدە تۇراتىن ەكس-بانكير، بيلىكتى اشىق سىناپ جۇرگەن مۇحتار ءابليازوۆ اعاسىنىڭ ۇستالعانىنا قاتىستى پىكىر بىلدىرمەدى.
ورايى كەلگەندە ايتا كەتەيىك، مۇحتار ءابليازوۆ 1990 جىلداردىڭ ورتاسىنان باستاپ قازاقستان ۇكىمەتىندە جۇمىس ىستەگەن. 2001 جىلى "قازاقستان دەموكراتيالىق تاڭداۋى" (قدت) قوزعالىسىن ۇيىمداستىرۋشىلاردىڭ ءبىرى بولعان.
2017 جانە 2018 جىلدارى قازاقستان سوتى مۇحتار ءابليازوۆتى 20 جىلعا سىرتتاي سوتتاعان. قازاقستان بيلىگى ونى "اسا ءىرى كولەمدە اقشا جىمقىردى، 2004 جىلى بيزنەس-سەرىكتەسى ەرجان تاتىشەۆكە جاسالعان قاستاندىقتى ۇيىمداستىردى" دەپ سانايدى. ءابليازوۆ تاعىلعان ايىپتاردىڭ ءبارىنىڭ ساياسي استارى بار دەپ سانايدى.
قازاقستان بيلىگى ءابليازوۆتىڭ قدت قوزعالىسىن "ەكسترەميستىك ۇيىم" دەپ تانىپ، قىزمەتىنە تىيىم سالعان. ەۋروپارلامەنت بۇل قوزعالىستى "بەيبىت وپپوزيتسيالىق ۇيىم" دەپ اتادى.
"ادىرنا" ۇلتتىق پورتالى
