الماتى شاھارىندا ءجوو شوب ۇلەسى 60 پايىزدى قۇرادى

الماتى قالاسىندا جۇمىس ىستەيتىن شاعىن جانە ورتا كاسىپكەرلىك سۋبەكتىلەرىنىڭ سانى 15,5%-عا ءوستى. قالا ەكونوميكاسى باسقارماسىنىڭ مالىمەتىنشە، اتالعان كورسەتكىش بويىنشا الماتى قالاسى ەلىمىزدە كوش باستاپ تۇر، دەپ حابارلايدى «ادىرنا ءتىلشىسى». شاعىن جانە ورتا كاسىپكەرلىك سۋبەكتىلەرىندە جۇمىسپەن قامتىلعاندار سانى بيىل 1 توقسانىندا 21%-عا، ياعني 871,9 مىڭ ادامعا دەيىن ءوستى. شاعىن جانە ورتا كاسىپكەرلىك سۋبەكتىلەرى وسى جىلدىڭ 1 توقسانىندا 14,1% وسىممەن ءونىم شىعاردى، بۇل 3 884,7 ملرد تەڭگە. جەتىسۋ اۋدانىندا ءونىم شىعارۋ 6,3% تومەندەگەن، ال بارلىق باسقا اۋداندا ءوسىم بايقالادى»، - دەپ حابارلادى كاسىپكەرلىك جانە ينۆەستيتسيالار باسقارماسى. شاعىن بيزنەس قىزمەتىن جانداندىرۋ ءۇشىن Almaty Business اياسىندا باسىم سالالاردى قولداۋدىڭ جاڭا قۇرالدارى ازىرلەندى. 2023 جىلى شوب-تىڭ ءجوو-گە سالىمىن 60%-عا دەيىن ارتادى دەپ بولجانىپ وتىر. بىلتىر بۇل كورسەتكىش 57,8% بولدى، دەپ قورىتىندىلادى قالالىق اكىمدىك وكىلى. جالپى، مەگاپوليستىڭ 2023 جىلدىڭ تامىزىندا ىسكەرلىك بەلسەندىلىك يندەكسى 55,2% -دى قۇراعان.