ەۋرووداقتىڭ سانكتسيالار جونىندەگى ارنايى وكىلى دەۆيد و'سالليۆان 28 قاراشادا استانادا وتكەن بريفينگتە قازاقستان بيلىگىمەن سانكتسيالاردى اينالىپ وتۋگە قارسى ءىس-قيمىل بويىنشا بىرلەسكەن جۇمىس تۋرالى ايتتى، دەپ حابارلايدى "ادىرنا" ۇلتتىق پورتالى.
دەۆيد و'سالليۆان قازاقستان بيلىگى بىرقاتار شارالار قابىلداعانىن، سونىڭ ناتيجەسىندە 2023 جىلدىڭ ساۋىرىمەن سالىستىرعاندا كەيبىر تاۋارلار مەن ونىمدەردىڭ رەسەيگە كەرى ەكسپورتى ايتارلىقتاي تومەندەگەنىن حابارلادى.
الايدا، ەلشى اتاپ وتكەندەي، كەيبىر باسقا تاۋارلار بويىنشا رەەكسپورت ءوستى.
«بۇل تاۋارلاردىڭ جالپى كولەمى قازاقستاننىڭ تاۋار اينالىمىنداعى سالىستىرمالى تۇردە از ۇلەستى الادى جانە جىلىنا نەبارى 200 ميلليون ەۋرونى قۇرايدى. اڭگىمە ونىڭ كولەمىندە ەمەس، اڭگىمە تاۋارلار مەن ونىمدەردىڭ قۇنى مەن بەرەتىن اسەرىندە بولىپ وتىر. ءبىز بىلەتىندەي، بۇل تاۋارلار رەسەي فەدەراتسياسىنىڭ اسكەري الەۋەتىن ارتتىرۋ ءۇشىن پايدالانىلادى، سوندىقتان ءبىز بۇل ونىمدەردىڭ رەەكسپورتىن توقتاتۋدى تالاپ ەتەمىز. بۇل نەگىزىنەن جوعارى تەحنولوگيالىق ونىمدەر. بۇل جەردە اڭگىمە ينتەگرالدىق سحەمالاردا، جەدەل جادى، وپتيكالىق كورۋ مۇمكىندىگى بار جابدىقتار بولۋىندا»، - دەپ ءتۇسىندىردى دەۆيد و'سالليۆان.
دەۆيد و'سالليۆان ەۋروپالىق وداق قازاقستانعا قارسى ەكىنشى رەتتىك سانكتسيالار قولدانبايتىنىن اتاپ ءوتتى.
جالپى، ونىڭ ايتۋىنشا، ەۋروپالىق وداقتىڭ قازاقستانمەن قارىم-قاتىناسىنا قاتىستى كۇن ءتارتىبى وتە وڭ. ەلشى ەۋرووداق قازاقستاننىڭ نەگىزگى ساۋدا جانە ينۆەستيتسيالىق سەرىكتەسى ەكەنىن ەسكە سالدى. ەۋروپالىق وداقتىڭ جاسىل تەحنولوگيالار مەن كولىك سالاسىندا قازاقستانمەن بىرگە جۇزەگە اسىرا الاتىن كوپتەگەن اۋقىمدى جوبالارى مەن جوسپارلارى بار.
ء"بىز قازاقستانمەن قارىم-قاتىناسىمىزدى ودان ءارى وڭ جانە دۇرىس باعىتتا ىلگەرىلەتۋدى، تىعىز ىنتىماقتاستىق ورناتۋدى قالايمىز. تاعى دا اتاپ وتكىم كەلەدى: ءبىز سانكتسيالاردىڭ ءبىزدىڭ تىعىز ءارى تەرەڭىرەك ىنتىماقتاستىعىمىزعا كەدەرگى بولعانىن قالامايمىز", - دەپ قورىتىندىلادى دەۆيد و، سالليۆان.
