Euroodaqtyŋ sanksiialar jönındegı arnaiy ökılı Devid O'Sallivan 28 qaraşada Astanada ötken brifingte Qazaqstan bilıgımen sanksiialardy ainalyp ötuge qarsy ıs-qimyl boiynşa bırlesken jūmys turaly aitty, dep habarlaidy "Adyrna" ūlttyq portaly.
Devid O'Sallivan Qazaqstan bilıgı bırqatar şaralar qabyldaǧanyn, sonyŋ nätijesınde 2023 jyldyŋ säuırımen salystyrǧanda keibır tauarlar men önımderdıŋ Reseige kerı eksporty aitarlyqtai tömendegenın habarlady.
Alaida, elşı atap ötkendei, keibır basqa tauarlar boiynşa reeksport östı.
«Būl tauarlardyŋ jalpy kölemı Qazaqstannyŋ tauar ainalymyndaǧy salystyrmaly türde az ülestı alady jäne jylyna nebärı 200 million eurony qūraidy. Äŋgıme onyŋ kölemınde emes, äŋgıme tauarlar men önımderdıŋ qūny men beretın äserınde bolyp otyr. Bız bıletındei, būl tauarlar Resei Federasiiasynyŋ äskeri äleuetın arttyru üşın paidalanylady, sondyqtan bız būl önımderdıŋ reeksportyn toqtatudy talap etemız. Būl negızınen joǧary tehnologiialyq önımder. Būl jerde äŋgıme integraldyq shemalarda, jedel jady, optikalyq köru mümkındıgı bar jabdyqtar boluynda», - dep tüsındırdı Devid O'Sallivan.
Devid O'Sallivan Europalyq Odaq Qazaqstanǧa qarsy ekınşı rettık sanksiialar qoldanbaitynyn atap öttı.
Jalpy, onyŋ aituynşa, Europalyq Odaqtyŋ Qazaqstanmen qarym-qatynasyna qatysty kün tärtıbı öte oŋ. Elşı Euroodaq Qazaqstannyŋ negızgı sauda jäne investisiialyq serıktesı ekenın eske saldy. Europalyq Odaqtyŋ jasyl tehnologiialar men kölık salasynda Qazaqstanmen bırge jüzege asyra alatyn köptegen auqymdy jobalary men josparlary bar.
"Bız Qazaqstanmen qarym-qatynasymyzdy odan ärı oŋ jäne dūrys baǧytta ılgerıletudı, tyǧyz yntymaqtastyq ornatudy qalaimyz. Taǧy da atap ötkım keledı: bız sanksiialardyŋ bızdıŋ tyǧyz ärı tereŋırek yntymaqtastyǧymyzǧa kedergı bolǧanyn qalamaimyz", - dep qorytyndylady Devid O, Sallivan.
Ūqsas jaŋalyqtar
