Eýroodaqtyń sankııalar jónindegi arnaıy ókili Devıd O'Sallıvan 28 qarashada Astanada ótken brıfıngte Qazaqstan bıligimen sankııalardy aınalyp ótýge qarsy is-qımyl boıynsha birlesken jumys týraly aıtty, dep habarlaıdy "Adyrna" ulttyq portaly.
Devıd O'Sallıvan Qazaqstan bıligi birqatar sharalar qabyldaǵanyn, sonyń nátıjesinde 2023 jyldyń sáýirimen salystyrǵanda keıbir taýarlar men ónimderdiń Reseıge keri eksporty aıtarlyqtaı tómendegenin habarlady.
Alaıda, elshi atap ótkendeı, keıbir basqa taýarlar boıynsha reeksport ósti.
«Bul taýarlardyń jalpy kólemi Qazaqstannyń taýar aınalymyndaǵy salystyrmaly túrde az úlesti alady jáne jylyna nebári 200 mıllıon eýrony quraıdy. Áńgime onyń kóleminde emes, áńgime taýarlar men ónimderdiń quny men beretin áserinde bolyp otyr. Biz biletindeı, bul taýarlar Reseı Federaııasynyń áskerı áleýetin arttyrý úshin paıdalanylady, sondyqtan biz bul ónimderdiń reeksportyn toqtatýdy talap etemiz. Bul negizinen joǵary tehnologııalyq ónimder. Bul jerde áńgime ıntegraldyq shemalarda, jedel jady, optıkalyq kórý múmkindigi bar jabdyqtar bolýynda», - dep túsindirdi Devıd O'Sallıvan.
Devıd O'Sallıvan Eýropalyq Odaq Qazaqstanǵa qarsy ekinshi rettik sankııalar qoldanbaıtynyn atap ótti.
Jalpy, onyń aıtýynsha, Eýropalyq Odaqtyń Qazaqstanmen qarym-qatynasyna qatysty kún tártibi óte oń. Elshi Eýroodaq Qazaqstannyń negizgi saýda jáne ınvestıııalyq seriktesi ekenin eske saldy. Eýropalyq Odaqtyń jasyl tehnologııalar men kólik salasynda Qazaqstanmen birge júzege asyra alatyn kóptegen aýqymdy jobalary men josparlary bar.
"Biz Qazaqstanmen qarym-qatynasymyzdy odan ári oń jáne durys baǵytta ilgeriletýdi, tyǵyz yntymaqtastyq ornatýdy qalaımyz. Taǵy da atap ótkim keledi: biz sankııalardyń bizdiń tyǵyz ári tereńirek yntymaqtastyǵymyzǵa kedergi bolǵanyn qalamaımyz", - dep qorytyndylady Devıd O, Sallıvan.
