The New York Times گازەتى يەل ۋنيۆەرسيتەتىنىڭ پروفەسسورى جانە بەلگىلى تاريحشى تيموتي سنايدەردىڭ "رەسەي - فاشيستىك مەملەكەت" دەپ ايتىلۋى قاجەت" دەگەن ماقالاسىن جاريالادى، دەپ حابارلايدى "ادىرنا" ءتىلشىسى.
ماقالادا فاشيزم ەۋروپانىڭ كوپ ەلىندە ءارتۇرلى ۋاقىتتا جانە ءارتۇرلى اۋقىمدا بولعانىن ايتا كەلە، رەسەي - ناعىز فاشيستىك، جويقىن سوعىس جۇرگىزىپ جاتىر دەيدى.
تاريحشىلاردىڭ پىكىرىنشە، بۇگىنگى رەسەي فاشيزم كريتەريلەرىنە سايكەس كەلەدى. ولار:
— ءبىر كوشباسشىعا تابىنۋ (ۆلاديمير پۋتين)
- ۇلى نارسە ءۇشىن ولگەندەرگە تابىنۋ (ەكىنشى دۇنيەجۇزىلىك سوعىستاعى جەڭىس);
— يمپەريانىڭ بۇرىنعى ۇلىلىعى تۋرالى ميف جانە وسى ۇلىلىقتى قايتارۋعا ۇمتىلۋ;
- كۇشتى ۇگىت-ناسيحات ماشيناسى;
- كورنەكى بەلگىلەر مەنشىك بەلگىسى رەتىندە (Z جانە V);
- كوشباسشىنى قولداۋعا ارنالعان بۇقارالىق شارالار;
— ادامداردىڭ بەلگىلى ءبىر توبىنا قاتىستى وشپەندىلىك.
"گيتلەرلىك گەرمانيا مەن پۋتيندىك رەسەيدىڭ ۇقساستىعى تاڭ قالدىرادى", - دەپ جازادى سنايدەر.
سونداي-اق، سنايدەردىڭ ايتۋىنشا رەسەي پرەزيدەنتى ءۇشىن ۋكرايندىقتار ناتسيست. ويتكەنى ولار وزدەرىن ورىس دەپ تانىمايدى جانە قارسىلىق كورسەتۋگە باتىلى بارادى. ۋكراينانى جويۋ جوسپارىنا قارسى شىققان كەز كەلگەن ادام ناتسيزم مەن ءفاشيزمنىڭ سىبايلاسى بولىپ سانالادى.
"جاعدايدان شىعۋدىڭ ءبىر عانا جولى بار. فاشيستەردى كوسەمىن جەڭۋ كەرەك - اقىرعى دەمىنە دەيىن", - دەپ جازادى سنايدەر.
"ادىرنا" ۇلتتىق پورتالى
