قاراعاندى ويىن-ساۋىق مەكەمەلەرى كارانتين تالاپتارىن ورىنداماي كەلگەن

1020

قاراعاندى وبلىسىنىڭ وڭىرلىك جەدەل شتابىنىڭ جەدەل ارەكەت ەتۋ ورتالىعى 17 شىلدە كۇنى قازىبەك بي اتىنداعى اۋداندا بيزنەس نىساندارىنىڭ كارانتين رەجيمىن ساقتاۋىن تەكسەرۋ بويىنشا رەيدتەر وتكىزىپ، زاڭ بۇزۋشىلىق انىقتادى. بۇل تۋرالى "ادىرنا" اكىمدىكتىڭ رەسمي سايتىنا سىلتەمە جاساپ حابارلايدى.

قاراعاندى وبلىسىنىڭ وڭىرلىك جەدەل شتابىنىڭ جەدەل ارەكەت ەتۋ ورتالىعى 17 شىلدە كۇنى قازىبەك بي اتىنداعى اۋداندا بيزنەس نىساندارىنىڭ كارانتين رەجيمىن ساقتاۋىن تەكسەرۋ بويىنشا رەيدتەر وتكىزدى. 22.00-دەن كەيىن جۇمىس ىستەيتىن كافەلەر ءموبيلدى توپتىڭ ەرەكشە باقىلاۋىندا بولدى.

سونداي-اق، كاليان كلۋبتارى، بارلار، ساۋنالار، تەحنيكالىق قىزمەت بەكەتتەرى تەكسەرىلدى.
بەلگىلى بولعانداي، جەكەلەگەن كاسىپكەرلەر كارانتيندىك تالاپتاردى ەلەمەيدى جانە 22.00-دەن كەيىن جۇمىس ىستەيدى.

تىيىم سالىنعانىنا قاراماستان، كاليان "Hookah House" اشىق بولعان. تۇنگى ۋاقىتتا "حان" ساۋنا، "اجۋر", "ازيا", "Nell' s After work bar" كافەلەرى، "سالەم" ازىق-تۇلىك دۇكەنى (ەرجانوۆ ك-ءسى، 39/2) جانە تقس (اسفالتنايا ك-ءسى، 26) جۇمىس ىستەدى.

ەندى اتالعان بيزنەس نىساندارىنىڭ باسشىلارىنا 640 مىڭ تەڭگە (230 اەك) ايىپپۇل سالىنادى.
پوليتسيا قىزمەتكەرلەرى كارانتيننىڭ تالاپتارىن كوبىنە كوڭىل كوتەرۋ ورىندارى ەلەمەيتىنىن اتاپ ءوتتى.

پىكىرلەر
ۇقساس جاڭالىقتار